Alan Field Shugart, nado nos Ánxeles o 27 de setembro de 1930 e finado en Monterey (California) o 12 de decembro de 2006, foi un enxeñeiro, empresario e executivo de negocios estadounidense, cunha carreira que definiu a industria das unidades de disco modernas.
Traxectoria Naceu nos Ánxeles e graduouse pola Universidade de Redlands, recibindo un grao de enxeñaría física.
Comezou a súa carreira en 1951 como enxeñeiro de campo en IBM. En 1955 pasou ao laboratorio de IBM en San Jose, onde traballou no IBM 305 RAMAC. Ascendeu a través dunha serie de postos cada vez máis importantes ata chegar a ser Direct Access Storage Product Manager, responsábel dos produtos para almacenamento en disco, o negocio máis rendíbel de IBM nesa época. Entre os grupos comandados por Shugart estaba o equipo que inventou o disco flexíbel.
Shugart uniuse a Memorex en 1969 como vicepresidente da súa división de equipos e liderou o desenvolvemento dos seus subsistemas de almacenamento en disco 3660 (compatibles con IBM 2314) e 3670 (compatibles con IBM 3330). O seu equipo tamén desenvolveu Memorex 650, un dos primeiros discos flexíbeis dispoñíbeis comercialmente.
Fundou Shugart Associates en febreiro de 1973 e resignou como CEO en outubro de 1974. A compañía foi adquirida máis tarde por Xerox. Entón, el e Finis Conner crearon Shugart Technology en 1979, que axiña cambiou o seu nome a Seagate Technology.
Con Shugart como CEO, Seagate converteuse na maior fabricante independente do mundo de unidades de disco e compoñentes relacionados. En xullo de 1998, Shugart dimitiu do seu posto en Seagate.
Shugart faleceu o 12 de decembro de 2006 en Monterey, California, de complicacións por unha cirurxía cardíaca que sufrira seis semanas antes.
Vida persoal Shugart foi pai de tres fillos, Joanne Shugart (1951-1954), Christopher D. Shugart (nado en 1953) e Teri L.K. Shugart (nada en 1955). Shugart estivo casado con Esther Marrs (de solteira Bell), nai dos seus tres fillos, entre 1951 e 1973. O seu matrimonio con Rita Shugart (de solteira Kennedy) dende 1981 ata a morte del.
Actividade política En 1996, lazonu unha campaña sen éxito para elixir a Ernest, o seu can Bernese Mountain, para o Congreso. Shugart posteriormente escribiu sobre a experiencia no libro Ernest Goes to Washington (Well, Not Exactly). Apoiou unha iniciativa de voto fracasada en 2000 para dar aos votantes de California a opción de escoller "ningún dos anteriores" nas eleccións.
Premios Recibiu en 1997 o IEEE Reynold B. Johnson Information Storage Systems Award. En 2005, foi nomeado membro do Computer History Museum "polas súas contribucións á creación da industria moderna das unidades de disco".
Notas
Véxase tamén Ligazóns externas Al Shugart's Speech At Conference marking 100th Anniversary of Magnetic Recording, December 14, 1998 Al Shugart milestones at Computer History Museum Al Shugart biography at Computer History Museum
Categoría:Nados nos Ánxeles Categoría:Nados en 1930 Categoría:Finados en 2006 Categoría:Empresarios dos Estados Unidos de América