miniatura|José Luis Garci dirixiu o primeiro filme en gañar o premio, Volver a empezar. España presentou filmes para o Óscar ó mellor filme internacional dende a creación do premio. O premio é concedido anualmente pola Academia das Artes e das Ciencias Cinematográficas dos Estados Unidos de América a unha longametraxe producida fóra dos Estados Unidos e cuxo diálogo estea principalmente nunha lingua diferente do inglés. O galardón foi creado para a 28ª edición dos premios, sucedendo os premios honoríficos non competitivos que se presentaron entre 1947 e 1955 en recoñecemento dos mellores filmes en lingua estranxeira estreados nos Estados Unidos.
Até o ano 2020, vinte filmes españois foron nomeados ó Óscar ó mellor filme internacional, gañando o premio catro deles: Volver a empezar en 1982, Belle Époque en 1993, Todo sobre mi madre en 1999 e Mar adentro en 2004. Entre tódolos países que presentaron filmes ó premio, España está clasificada no terceiro posto en termos de filmes gañadores, detrás de Italia (dez premios) e Francia (nove premios) e está empatado co Xapón e Dinamarca (catro premios), e é terceiro en termos de nomeamentos, detrás de Francia (trinta e catro nomeamentos) e Italia (vinte e sete nomeamentos).
Dende a década de 1980, as propostas españolas son decididas anualmente pola Academia das Artes e as Ciencias Cinematográficas de España (AACCE). Dende o ano 2001, a Academia crea unha lista curta de tres filmes antes de anunciar o filme español candidato.
Pedro Almodóvar representou a España nesta competición sete veces, conseguindo tres nomeamentos, incluíndo unha vitoria. José Luis Garci representou a España seis veces, acadando catro nomeamentos e gañando unha vez. Carlos Saura representou a España cinco veces.
Tódalas propostas foron rodadas principalmente en castelán, coas excepcións de Ese oscuro objeto del deseo (francés e castelán), Pa negre (catalán), Loreak (éuscaro), Estiu 1993 (catalán) e ''Alcarràs (catalán).
Propostas A Academia das Artes e das Ciencias Cinematográficas convidou as industrias cinematográficas de varios países a presentar os seus mellores filmes para o Óscar ó mellor filme en lingua non inglesa dende o ano 1956. O Comité desta categoría supervisa todo o proceso e revisa tódolos filmes enviados. Despois disto, realízase unha votación secreta para determinar os cinco nomeados ó premio. A continuación amósase unha lista dos filmes que presentou España para a súa valoración pola Academia co respectivo ano e cerimonia de entrega.
Ano(Cerimonia) Título Director Resultado 1956(29ª) Tarde de toros 1957(30ª) Calle Mayor 1958(31ª) La venganza 1960(33ª) A las cinco de la tarde 1961(34ª) Plácido 1962(35ª) Dulcinea 1963(36ª) Los Tarantos 1964(37ª) La niña de luto 1965(38ª) La tía Tula 1967(40ª) El amor brujo 1968(41ª) España otra vez 1969(42ª) La Celestina 1970(43ª) Tristana 1971(44ª) Marta 1972(45ª) Mi querida señorita 1973(46ª) Habla, mudita 1974(47ª) La prima Angélica 1975(48ª) Furtivos 1976(49ª) Cría cuervos 1977(50ª) Ese oscuro objeto del deseo 1978(51ª) Sonámbulos 1979(52ª) Mamá cumple cien años 1980(53ª) El nido 1981(54ª) Patrimonio nacional 1982(55ª) Volver a empezar 1983(56ª) Carmen 1984(57ª) Sesión continua 1985(58ª) La hora bruja 1986(59ª) La mitad del cielo 1987(60ª) Asignatura aprobada 1988(61ª) Mujeres al borde de un ataque de nervios 1989(62ª) Montoyas y Tarantos 1990(63ª) ¡Ay, Carmela! 1991(64ª) Tacones lejanos 1992(65ª) El maestro de esgrima 1993(66ª) Belle Époque 1994(67ª) Canción de cuna 1995(68ª) La flor de mi secreto 1996(69ª) Bwana 1997(70ª) Secretos del corazón 1998(71ª) El abuelo 1999(72ª) Todo sobre mi madre 2000(73ª) You're the One (una historia de entonces) 2001(74ª) Juana la Loca 2002(75ª) Os luns ó sol 2003(76ª) Soldados de Salamina 2004(77ª) Mar adentro 2005(78ª) Obaba 2006(79ª) Volver 2007(80ª) El orfanato 2008(81ª) Os xirasoles cegos 2009(82ª) El baile de la Victoria 2010(83ª) También la lluvia 2011(84ª) Pa negre 2012(85ª) Blancanieves 2013(86ª) 15 años y un día 2014(87ª) Vivir es fácil con los ojos cerrados 2015(88ª) Loreak , 2016(89ª) Julieta 2017(90ª) Estiu 1993 2018(91ª) Campeones 2019(92ª) Dolor y gloria 2020(93ª) La trinchera infinita Jon Garaño, Aitor Arregi e Jose Mari Goenaga 2021(94ª) El buen patrón Fernando León de Aranoa 2022(95ª) Alcarràs Carla Simón 2023(96ª) La sociedad de la nieve Juan Antonio Bayona 2024(97ª) Segundo premio Isaki Lacuesta 2025(98ª) Sirāt Óliver Laxe
Notas
Categoría:Cinema de España España