Cantares de una revolución ye un documental musical español de 2018, dirixíu por Ramón Lluís Bande sobre la Revolución d’Asturies de 1934.

Sinopsis Nacho Vegas recuerre dalgunos de los escenarios más significativos de la insurrección de los obreros y llabradores asturianos n’ochobre de 1934, cola música popular como mapa y les pallabres de Belarmino Tomás, presidente del Tercer Comité Revolucionariu, como brúxula.Cantares de una revolución (2018) Nacho Vegas, acompañáu pol «Coru Al Altu la Lleva», reellabora y anueva dellos de los principales cantares d’aquella revuelta de los trabayadores asturianos qu’al gritu d’UHP (Uníos Hermanos Proletarios) quixeron asaltar los cielos.«Cantares de una revolución. RTPA - Radiotelevisión del Principado de Asturias :: TPA». www.rtpa.es.ANTUÑA, MARIFÉ (25 de noviembre de 2018). «Hong Sang-soo vuelve a conquistar el FICX». El Comercio: Diario de Asturias.

Reacciones «mezcla la Revolución d’Asturies de 1934 con una colección de cantares populares interpretaos por Nacho Vegas pa consiguir emoción reivindicativa n’estáu puru. Y d’esta miente llogra construir un poema fílmicu de fondes resonancies polítiques, onde la voz y la guitarra de Vegas actúen como contrapuntu candial de lo que supunxo aquel alzamientu obreru xabazmente reprimíu.» D'A Film Festival.«CANTARES DE UNA REVOLUCIÓN». D'A.

Publicación En 2019 Bande publicó’l llibru Cuaderno de la Revolución con diarios de rodaxe, testos orixinales de Belarmino y un cancioneru. Tamién se pue lleer como novela. Editorial Pez de Plata- ISBN 9788494917769.

Premios y reconocimientos Estrenóse nel Festival Internacional de Cine de Xixón de 2018 y recibió’l Premiu Especial del Xuráu.«Cantares de una revolución». Cinemateca Uruguaya.

Reacciones Cola película estayada en segmentos, separtaos por carteles de fondu roxu con pallabres impreses en negro qu’amuesen cites de dalgunos protagonistes de la xesta revolucionaria, como Belarmino Tomás y Aída de la Fuente, Bande allugó a los intérpretes actuales d’aquellos cantares y a militantes sindicales veteranos de la rexón en munchos de los llugares que fueron escenarios de la revuelta y la so represión posterior, como son la Universidá o la Cárcel Modelu d’Uviéu. Tamién, dalgunes semeyes (llóxicamente, en blanco y negro) del fechu históricu, intercalaes en silenciu ente las intervenciones musicales de Vegas y el coru, van ilustrando y al empar tresportando al espectador hasta aquel momentu históricu que s’homenaxea. El soníu, grabáu en directu, dexa igualmente recuperar l’alma de los escenarios de la llucha lliderada por mineros, mocedá y xente de los pueblos. Alfonso Rivera. Cineuropa.«Crítica: Cantares de una revolución». Cineuropa - lo mejor del cine europeo. 22 de noviembre de 2018.

Dientro del apartáu musical, sorpriende la guapura de munches lletres clásiques ('La bella Lola', 'Asturias, patria querida') adaptaes al conflictu armáu. “Los cantares compuestos polos revolucionarios afitábense en melodíes populares yá esistentes a les que se-yos camuda la lletra pa contar lo que taba pasando. Ye un xuegu perinteresante y que nos ufierta muncha información sobre lo que daveres significa la música popular y los sos mecanismos internos: cómo van evolucionando les melodíes, como los testos s’adapten al contestu concretu de les personas que les canten, cómo se tresformen y camuden en composiciones nueves... Nesti sen, el trabayu de Nacho (Vegas) na película engancha un esllabón más nesa cadena evolutiva, trayéndoles al presente musical y, al través del so rexistru na película, al presente políticu”, solliña Bande. Victor Lenore. El Confidencial.Lenore, Víctor (25 de noviembre de 2018). «La izquierda cultural reivindica el levantamiento de 1934 en Asturias». elconfidencial.com.

Referencies