Equí y n'otru tiempu ye una película de Ramón Lluís Bande de 2014 que fai un recorríu pelos llugares onde fueron asesinaos los guerrilleros republicanos dende'l final de la guerra civil española hasta 1952. El documental ye parte de la filmografía del Nuevu Cine Asturianu.
Argumentu Ente los años 1937 y 1952 cientos de militantes republicanos asturianos escondiéronse nel monte con dos oxetivos: salvar la vida y siguir cola resistencia armada contra'l franquismu. Munchos d'ellos morrieron nel monte. Equí y n'otru tiempu propón un desplazamientu del documentu al monumentu cinematográficu col rexistru en presente de los espacios onde asesinaron a los principales nomes de l'Agrupación Guerrillera Asturiana.
El director, Bande, señaló que la rellación de guerrilleros entama cuando acaba la Guerra Civil n'Asturies en 1937, hasta 1952 cuando muerre en La Camocha (Xixón) l'últimu guerrilleru. 34 espacios nos que mataron a 80 guerrilleros.
Premios y reconocimientos Premiu FIPRESCI de la crítica del Festival de Cine Européu. Cineuropa. Sección oficial Muestra de cine Européu. Sección oficial.
Reacciones
Referencies
Enllaces esternos
Categoría:Cine asturianu