El Trail Villa de la Sidra ye una carrera de montaña que se celebra añalmente nel conceyu de Nava, n’Asturies. La prueba forma parte del calendariu de carreres per montaña o trail running del Principáu y destaca pol so trazáu esixente pel monte, pola so cuidada organización y pola vinculación cola tradición sidrera asturiana.
Historia El Trail Villa de la Sidra celebró la so primer edición nel añu 2014, col nome de “Trail Peñamayor” y surdiendo cola intención de fomentar el deporte na naturaleza y dar visibilidá al entornu rural y montañosu de Nava. Dende entós, la carrera foi consolidándose como una cita de referencia pa corredores asturianos y d’otres comunidaes autónomes, formando parte del circuitu de carreres por montaña conociu como “Seronda Trail Series”.
La organización correspuende al grupu de montaña “La Peña”, col sofitu del Ayuntamientu de Nava y d’otres entidaes collaboradores. Col pasu de los años, la prueba incorporó meyores téuniques y loxístiques, como cronometrax deportivu, controles intermedios y protocolos de seguridá y atención sanitaria.
Carauterístiques de la prueba El Trail Villa de la Sidra cunta con delles modalidaes, adaptaes a distintos niveles de preparación física:
· Trail, con una distancia aproximada de 26,1 kilómetros y un desnivel positivu acumuláu d’unos 3200 metros.
· Speedtrail, de 13,7 kilómetros y alredor de 1300 metros de desnivel positivu.
· Marcha nórdica/andarines, celebraes nel entornu de la localidá, con un calter participativu.
Los percorríos combinen senderos tradicionales, pistes forestales, tramos téunicos de monte y zones de pradería, lo que fai de la carrera un retu tanto físicu como téunicu.
Entornu natural La prueba desenvuélvese mayoritariamente pola Sierra de Peñamayor, un espaciu montañosu emblemáticu del centru d’Asturies. El trazáu atraviesa bosques de castaños, fayes y carbayos, amás de pomaraes de mazana destinaes a la producción de sidra.
Dende dellos puntos del percorríu ye posible disfrutar de vistes panorámiques del centru del Principáu. La organización promueve’l respetu ambiental, estableciendo normes estrictes contra l’abandonu de residuos y favoreciendo una práutica deportiva sostenible.
Importancia cultural y social El nome del eventu fai referencia direuta a la sidra, productu emblemáticu de Nava, reconocida como Villa de la Sidra. .
El Trail Villa de la Sidra tien un impactu positivu na economía llocal, atrayendo participantes y visitantes que xeneren actividá nos sectores hosteleru y turísticu del conceyu.
Palmarés Trail Villa de la Sidra 2025- MasculínTrail Villa de la Sidra 2025- Femenín1. Bruno Argüelles Díaz: 02:14:021. Greta García Morán: 02:37:322. Rubén Cabo: 02:14:062. Ana Granda Valles: 02:50:263. Vladimir Averyanov: 02:14:293. Carolina Pereira Obaya: 02:53:12
Referencies bibliográfiques
Ayuntamientu de Nava. (s. f.). Trail Villa de la Sidra. Ayuntamientu de Nava. https://www.ayto-nava.es Federación Asturiana d'Atletismu. (s. f.). Calendariu y resultados. FASATLE. http://fasatle.org/faa/calendar/ Federación de Deportes de Montaña, Escalada y Senderismu del Principáu d’Asturies. (s. f.). Carreres por montaña n’Asturies. FEMPA. https://fempa.net/ Gobiernu del Principáu d’Asturies. Conseyería de Mediu Rural y Cohesión Territorial. (s. f.). Sierra de Peñamayor. Gobiernu del Principáu d’Asturies. https://www.asturias.es El Buscolu. (2025, marzu). El Trail Villa de la Sidra regresa a Nava. El Buscolu. https://www.elbuscolu.com La Voz de Asturias. (2025, marzu). Nava acueye una nueva edición del Trail Villa de la Sidra. La Voz de Asturias. https://www.lavozdeasturias.es Alladixital. (2024). Normes ortográfiques de la llingua asturiana (8.ª ed.). Academia de la Llingua Asturiana. https://alladixital.org Cronoempate (s.f.). Trail Villa de la Sidra. Empa-t.com Trail Villa de la Sidra. (s/f). Trail Asturias 2026 Marzo - Villa Sidra - Peñamayor - Speed - Andarines. https://www.trailvilladelasidra.es/index.html