Entrialgo ye un llargumetraxe español de 2018 dirixíu por Diego Llorente que presenta la vida rural asturiana contada por dos neños.«Estas son las 13 películas que optarán a los premios del FICX para el cine español». La Voz de Asturias. 26 d’ochobre de 2018. Consultáu’l 15 de payares de 2025.

Sinopsis Nel llugar d’Entrialgo, dos neños, Rubén y Aitor, crecen ente la soledá de los patios, los xuegos mecíos col trabayu de los adultos y la escuela, el sitiu onde interactúen colos sos iguales.«Cine "Entrialgo" de Diego Llorente (Llanes)». Turismo en Llanes. Consultáu’l 15 de payares de 2025. Un filme nel que la vida trescurre con un ritmu distintu.   «ENTRIALGO - FICMEC». Consultáu’l 15 de payares de 2025.«Festival de Cine de Xixón (FICX): Diego Llorente presenta 'Entrialgo'». El Comercio: Diario de Asturias. 20 de payares de 2018. Consultáu’l 15 de payares de 2025.

Protagonistes

Nel Moriyón Fernández Hugo León González Paula León Arroyo Carlos Peón Arévalo Niurka Carbajal Álvarez Ana Isabel Rodríguez - maestra Llinu Álvarez Santidrián - maestru

Producción Llorente acompañó la vida d’unos neños demientres un añu, tanto nel ámbitu familiar como na escuela y nos xuegos y entretenimientos, captando les particularidaes de la escuela rural y llogrando un averamientu a unes families que representen los últimos escatafinos d’un mou de vida en riesgu de desapaición.

Estrenu El Festival Internacional de Cine de Xixón acoyó l’estrenu européu d’esta película llueu del so estrenu mundial nel Indie Memphis Film Festival.«Diego Llorente, de estreno en Memphis». La Nueva España. 20 d’ochobre de 2018. Consultáu’l 15 de payares de 2025.«Laboral Cinemateca proyecta esta semana en abierto el largometraje Entrialgo de Diego Llorente en el programa “Laboral Cinemateca en Casa”». Laboral Cinemateca (en fr-FR). Consultáu’l 15 de payares de 2025.

Reconocimientos

2018 Llorente presentó Entrialgo nel FICX optando al premiu a Meyor Película Española y Meyor Guión, llogrando una mención d’honor de la sección Día d'Asturies del FICX .Antuña, Marifé (25 de payares de 2018). «Hong Sang-soo vuelve a conquistar el FICX». El Comercio: Diario de Asturias. Consultáu’l 15 de payares de 2025.noticias, Cine maldito (24 de payares de 2018). «Palmarés de Gijón 2018». Cine maldito. Consultáu’l 15 de payares de 2025.

2019 BAFICI Secciones Paraleles

Festival de Cine Internacional de la Filmoteca d’Uruguay

Reacciones El documental inxértase na Filmografía del Nuevu Cine Asturianu.Bande, Ramón Lluis (2020). «Como una familia ensin álbum de fotografíes. Una mirada a un cine nacional asturianu posible». Lletres Asturianes (123): 197-213. https://reunido.uniovi.es/index.php/Lletres/article/view/15639

Captar el ritmu de la vida d’unos neños n’Asturies rural, mentes esa vida pasa ensin que la presencia del rodaxe de la película se note ye la intención declarada detrás del segundu llargumetraxe de Diego Llorente (Siero, 1984), Entrialgo (2018), que representa tamién el saltu al cine de non ficción d’un cineasta que yá destacare con curtiumetraxes como Casa, Agostu, Saturday, o’l llargumetraxe Estos días (2014). Pal so primer proyectu documental, Llorente graba la rutina de dos neños del pueblu llavianés del títulu a lo llargo d’un añu enteru, dándo-y un protagonismu especial al tiempu que pasen na escuela, nun exerciciu reseñable de cine observacional, posáu y respetuosu pa cola realidá filmada y l’espectador. Ramón Lluís Bande

Entrialgo ye, sobre manera, un prestosísimu estudiu d’observación que sigue a Aitor y Rubén, dos neños que disfruten esperimentando tolo nuevo que-yos ufierta’l so pueblu; un llugar onde conocen la naturaleza en tola so bayura, al través del día a día na escuela o pela so relación directa cola fauna y flora que los arrodia. El refugu que nos neños despierten los móviles y les nueves tecnoloxíes, llévanos a velos como criatures anxelicales marcaes por esa inocencia que caracteriza la infancia en tola so condición. Daqué inalgamable pal neñu qu’habita una gran urbe. Lo que tiñe de señaldá esti retratu candial ye saber que, por causa del despoblamientu del mundu rural, Aitor y Rubén pertenecen a un universu que cuerre’l riesgu de desapaecer. Un cantu a la inocencia que se caltién nel tiempu. Cinemateca Uruguay.«Entrialgo». Cinemateca Uruguaya. Consultáu’l 15 de payares de 2025.

L’enfotu de reclamar la vida nel mediu rural, el papel de la educación (entendida como presea pa tresformar la sociedá) y los neños son conteos d’esta orixinal película.

Referencies

Categoría:Cine asturianu