En modo silencio ye una película española de 2016 de cine independiente rodada en blanco y negro, con dirección y guión de Teresa Marcos.
Sinopsis La película estructúrase como una historia coral que se desendolca sobre too per aciu de llamaes telefóniques ente los personaxes, creando elipsis y una narración estayada y en mosaicu. Esti estilu particular comparóse con una rellectura contemporánea de la novela epistolar.
L’argumentu sigue a dellos personaxes, centrándose nun mineru prexubiláu, xugador ensin suerte y con problemes familiares. Esti personaxe va fundiéndose pasu en pasu, afogáu poles deldes de xuegu, adicciones y errores, hasta’l puntu d’aceptar un encargu del so acreedor: facer desapaecer un cadáver ayenu que lleva en maleteru.
Repartu ActorPersonaxeSuso MartínezFrancisco J. Jambrina MayoCarmen Gloria GarcíaCarmenOlga MonteroCovaMercedes ÁlvarezMiguelo GarcíaManuel FuertesGonzalo Herren
Producción En modo silencio foi’l primer llargumetraxe de ficción de la directora Teresa Marcos, nuna producción de cine independiente. La realizadora tamién asumió los llabores de guión y producción. La banda sonora inclúi composiciones de Raquel Rodríguez, asina como temes del cantautor asturianu Nacho Vegas y del cantaor Enrique Morente.«En modo silencio». SincroGuía TV - ¿Qué vamos a ver hoy? (en castellanu). Consultáu’l 13 de payares de 2025.T.P. (16 de mayu de 2018). «El gran desafío cinematográfico de Teresa Marcos». La Nueva España. Consultáu’l 13 de payares de 2025.
Festivales Estrenóse mundialmente’l 14 d’abril de 2016 nos cines del centru comercial Recoleta, nel barriu homónimu de Buenos Aires, dientro del 18 BAFICI (Buenos Aires Festival Internacional de Cine Independiente).
La película foi seleccionada en dellos certámenes.«En modo silencio». Teresa Marcos. Consultáu’l 13 de payares de 2025.
17 Lucania Film Festival (Italia). Los Angeles Cinefest (EE. XX.) (2016). IV Festival Internacional de Cine de Villavicencio (Colombia). Cinema Grand Prix (Indonesia) (2017). SACO3 (Semana del Audiovisual Contemporáneo de Uviéu).Conocer Asturias (25 de payares de 2017). «Este es el palmarés del 55 FICX ». Conocer Asturias. Consultáu’l 13 de payares de 2025. 3 Tlanchana Fest Festival de Cine y Arte Digital (México). ALTF Alternative Film Festival (Canadá).
Premios 2017
Premiu al Meyor Llargumetraxe Día d'Asturies nel 55.º Festival Internacional de Cine de Xixón (FICX). Best Director nel Sarmat Independent International Film Festival (Rusia). «Proyección de "En modo silencio", de Teresa Marcos». Ayuntamientu de Mieres. Consultáu’l 13 de payares de 2025. Mención Especial nel I Festival de Cine Independiente de Linares “Cine No visto”.
Reacciones «L’asturiana Teresa Marcos ('Se paga al acto', 'Lencería de ocasión') dirixe y escribe esti filme dramáticu onde se da con una forma fílmica nueva, una triba de rellectura contemporánea de la novela epistolar. Amás, la falta d’información dexa ver y xenera una sensación d’intriga y de película de suspense». SincroGuía TV.
«Con un presupuestu modestísimu de quince mil euros, tonelaes d’enfotu y una vocación a prueba de bombes, la guionista y directora Teresa Marcos llogró sacar alantre ún de los llargumetraxes enteramente asturianos más importantes de los caberos tiempos. D’imáxenes potentes, guión ferreñu y historia ablucante.
Nuevo Cine Asturianu La película conecta col Nuevu Cine Asturianu, señala’l cineasta asturianu Ramón Lluis Bande, qu’apunta’l tresfondu de la historia: un entornu social mui degradáu, que quier valir de reflexu deformante de la situación actual de les cuenques mineres. Bande, Ramón Lluis (2020). «Como una familia ensin álbum de fotografíes. Una mirada a un cine nacional asturianu posible». Lletres Asturianes (123): 197-213. ISSN 2174-9612.
Referencies
Categoría:Cine asturianu