Rolf Lederbogen, nado en Hann. Münden, Baixa Saxonia, o 17 de marzo de 1928, e finado en Heidelberg o 4 de xuño de 2012, foi un deseñador e arquitecto alemán, coñecido por ser o creador dos anversos nacionais das moedas de 1, de 2 e de 5 céntimos de euro alemás.
Traxectoria esquerda|miniatura|241x241px|Estrutura escultórica de Rolf Lederbogen no Instituto Tecnolóxico de Karlsruhe. Formación e carreira académica
Logo de concluír o seu ensino secundario, Lederbogen cursou estudos superiores artísticos na Escola de Belas Artes de Kassel entre 1947 e 1952, con profesores como Heinrich Lauterbach, Hans Leistikow, Hermann Mattern e Ernst Röttger."Rolf Lederbogen (1928-2012)". Archiv für Architektur und Ingenieurbau. Karlsruher Institut für Technologie.
A partir da súa graduación en 1952 traballou como deseñador gráfico e arquitecto independente en Colonia.
No ámbito académico, en 1956, Lederbogenen comezou a exercer a docencia da materia de Fundamentos da Arquitectura no Instituto Tecnolóxico de Karlsruhe, a partir de 1960 como profesor titular. De 1974 a 1975 foi profesor invitado na Universidade de Dortmund e en 1991 foi profesor visitante na Universidade de Coímbra. Logo do seu retiro en 1993 foi nomeado profesor emérito.
Obra artística Aínda que os seus deseños de selos postais e dos anversos nacionais das moedas divisionarias alemás do euro (de 1, 2 e 5 céntimos)"Der Karlsruher 'Cent-Macher'". En Ka-news.de. 21 de novembro de 2001. acadaron unha maior difuisión e un gran recoñecemento,Selos postais deseñados por Lederbogen. Colnect.comMoedas deseñadas por Lederbogen. Numista.com Lederbogen traballou tamén como deseñador de interiores e de exposicións, e participou en varios proxectos de construción en Alemaña. Igualmente, como fotógrafo realizou exposicións en Alemaña e en Portugal e publicou varios libros. O seu extenso arquivo atópase no Arquivo de Arquitectura e Enxeñaría Civil do Suroeste de Alemaña.
Desde 1953, Rolf Lederbogenen foi membro da Asociación de Deseñadores Gráficos Alemáns.
Escolma de traballos
Notas
Véxase tamén
Outros artigos Lista de deseñadores das moedas de euro
Categoría:Nados en 1928 Categoría:Finados en 2012 Categoría:Nados na Baixa Saxonia Categoría:Deseñadores de moeda Categoría:Artistas de Alemaña Categoría:Ilustradores Categoría:Arquitectos de Alemaña Categoría:Profesores do Instituto Tecnolóxico de Karlsruhe Categoría:Personalidades da filatelia Categoría:Personalidades sen imaxes Categoría:Deseñadores gráficos