A medalla Elias Brenner é un recoñecemento ao mérito numismático outorgado pola Sociedade Numismática Sueca (Svenska numismatiska föreningen –SNF–).
Concesión Trátase dunha medalla de prata que a xunta directiva da Sociedade concede anualmente, desde 1976, a un ou varios cidadáns suecos ou estranxeiros distinguidos pola promoción do coñecemento da numismática en Suecia.
De concorreren razóns extraordinarias, a medalla pode entregarse bañada en ouro (Vera Ekström, 1977; Torgny Lingren, 1981)."SNF:s Elias Brenner-medalj för förtjänsterinom numismatiken". Svenska Numismatiska Föreningen.
Caracterización A medalla de prata foi creada en 1976 polo medallista franco-sueco Léo Holmgren. O seu anverso reproduce o retrato do numismático sueco Elias Brenner (1647-1717) realizado polo gravador Adolf Lindberg (1839-1916), coa lenda dividida en tres seccións: ELIAS BRENNER na súa parte superior: NAT[us]. MDCXLVII OB[iit]. MDCCXVII ás beiras, e NUMMOS SUECICOS PRIMUS COLLEGIT & EXPLICAVIT no exergo.
No seu reverso amósase o emblema da Sociedade Numismática Sueca e, tres coroas unidas nun anel, rodeado pola lenda SOCIETAS NUMISMATICA SUECICA CONDITA ANNO MDCCCLXXIII, e no medio PRO / MERITIS.
Galardoados 1976: Vera Ekström. 1977: Gunnar Sundberg. 1979: Lars O. Lagerqvist. Vera Hatz. Gert Hatz. Peter Berghaus. Gav van der Meer. Michael Dolley. 1981: Bjarne Ahlström. Yngve Almer. Harald Wideen. Torgny Lindgren. 1982: Bertil Wennström. 1983: Axel O. Larsson. Gunnar Holst. 1984: Lars-Ingvar Jönson. 1985: Ingemar Carlsson. 1986: Bertil Wærn. 1987: Mats P. Malmer. Filip Härenstam. Kenneth Jonsson. 1989: Ulla Ehrensvärd. 1990: Jørgen Steen Jensen. 1994: Bertel Tingström. 1995: Rolf Sjöberg. 1999: Rune Ekre. 2000: Pekka Sarvas. 2003: Ulf Nordlind. Torbjörn Sundquist. 2004: Björn-Otto Hesse. 2006: Paul Levin. 2007: Tuukka Talvio. Harald Nilsson. Anders Frösell. Sten Törngren. 2009: Hans Menzinsky. 2012: Nils J. Lindberg. 2016: Bengt Holmén. 2018: Hannu Sarkkinen. Julia Krasnobaeva. 2020: Rolf Sandström. 2023: Cecilia von Heijne. Bo Gunnarsson.
Notas
Véxase tamén
Outros artigos
Elias Brenner
Ligazóns externas
Sitio web da Sociedade Numismática Sueca
Categoría:Medallas Categoría:Premios de numismática Categoría:Premios de Suecia