O Museo Filatélico e Numismático da Cidade do Vaticano é a denominación dunha das coleccións dos Museos Vaticanos, constituída coa súa configuración actual en 2007. O museo recolle todas as moedas e os selos emitidos pola Cidade do Vaticano desde o momento da súa fundación como Estado en 1929, ademais doutras pezas correspondente aos anteriores Estados Pontificios."Poste e francobolli: i MV, crocevia del mondo! ". Musei Vaticani."Il nuevo Museo Filatelico e Numismatico". Stato della Città del Vaticano. 20 de setembro de 2007.Vigani, D. "Il Museo Filatelico e Numismatico del Vaticano". Il Postalista.
Historia O Museo Filatélico e Numismático comezou na década de 1930 como unha das coleccións dos Museos Vaticanos, nunhas salas próximas á carecterística escaleira helicoidal. Aquela exposición inicial foi inaugurada o 22 de outubro de 1936 e alí permaneceu ata o 1 de outubro de 1987, cando se mudou a unhas instalacións moito máis amplas na Torre Borgia, compostas por catro salas cunha superficie total de 250 metros cadrados.
En 1990, o Museo Filatélico e Numismático trasladouse novamente, esta vez a unha única sala, de 540 m2, no edificio da estación de ferrocarril do Vaticano.
O 25 de setembro de 2007, a colección filatélica e numismática retornou á súa localización orixinal nos Museos Vaticanos, o que facilita moito a súa visita, ao compartir a sede co resto das coleccións."Museo filatelico vaticano: l’inaugurazione il 25 settembre". En Vaccari News. 12 de xullo de 2007. De feito, o día da súa inauguración os visitantes do Museo Filatélico e Numismático chegaron a 21.000.
Seccións esquerda|miniatura|194x194px|Expositor da sección de filatelia miniatura|194x194px|Expositor da sección de numismática
Sección de Filatelia Esta sección abrangue todas as emisións de selos postais organizadas segundo o período de pontificado, desde Pío XII ata o papa Francisco. Ademais, expóñense outros obxectos como tarxetas postais e aerogramas, e numerosos exemplares das emisións filatélicas do Estado Pontificio (1852-1870), con selos novos, anulados e franqueados.Serra, A. "Il Museo Filatelico e Numismatico del Vaticano:
una raccolta mondiale molto riservata di francobolli". Il Postalista.
Forman parte tamén desta sección outros obxectos como cilindros, placas e outros materiais tipográficos utilizados para a impresión dos selos, así como esbozos e proxectos dalgúns dos selos expostos nas vitrinas do museo.
Sección de Numismática As vitrinas e os expositores albergan as emisións numismáticas vaticanas desde 1929 (en liras vaticanas ata 2001 e en euros a partir desa data), tanto as conmemorativas como as de curso legal, así como medallas e moedas anteriores correspondentes ao Estado Pontificio.
Notas
Véxase tamén
Outros artigos
Lista de museos numismáticos Oficina Filatélica e Numismática da Cidade do Vaticano Lira vaticana
Bibliografía
Guida ai Musei e alla Città del Vaticano. Edizioni Musei Vaticani. 2009. ISBN 9788882710064
Ligazóns externas
Il Museo Filatelico e Numismatico del Vaticano. La Galleria Fotografica
Categoría:Museos de numismática Categoría:Museos da Cidade do Vaticano