Travellers and Magicians (en ) é un filme butanés escrito e dirixido polo lama budista Khyentse Norbu, tamén coñecido como Dzongsar Jamyang Khyentse Rinpoche. O filme é a primeira longametraxe rodada e producida completamente no Reino de Bután, e está en lingua dzongkha. A maioría dos actores non eran profesionais, agás Tshewang Dendup, un coñecido actor de radio e produtor butanés. É un dos primeiros filmes en amosar unha perspectiva budista do Himalaia.
Sinopse Un mozo oficial do goberno de Bután chamado Dondup (interpretado por Tshewang Dendup) que está obsesionado cos Estados Unidos (xa que ten mesmo un gho denim) soña con fuxir da súa fermosa pero illada vila. A súa esperanza é obter unha visa na embaixada dos Estados Unidos e así poder saír do país. Porén, perde o autobús que o levaba á capital, Thimphu, e vese obrigado a facer autostop acompañado por un vendedor de mazás, un monxe budista cun dramyin, un bébedo, un fabricante de papel de arroz e a súa filla Sonam (interpretada por Sonam Lhamo). Para pasalo tempo, o monxe conta a historia de Tashi, un mozo de granxa que, ó igual que Dondup, soña con escapar da súa vila para ir na procura de mulleres fermosas.
Notas
Véxase tamén Ligazóns externas
Categoría:Filmes de 2003 Categoría:Filmes en lingua dzongkha Categoría:Filmes de Bután Categoría:Filmes sobre budismo Categoría:Filmes ambientados en Bután