El Tabularium Artis Asturiensis ye un muséu priváu creáu en 1947 pol cronista oficial d'Asturies, Joaquín Manzanares Rodríguez, pa l'estudiu de l'arte y l'arqueoloxía n'Asturies. El so nome traduzse del llatín como "Archivu d'Arte Asturianu". Foi oxetu constante de polémiques, porque se considera que la mayor parte de la so coleición ye frutu del saqueu d'edificios históricos de titularidá estatal y eclesiástica mal atendíos mientres el franquismu. El 23 de xunetu de 1998, el Ministeriu de Cultura concedió-y la entrada na Orde Civil d'Alfonsu X el Sabiu, na categoría de Placa d'Honor.
Fondu museísticu El fondu del muséu ta compuestu por unes quinientes pieces que cubren el periodu ente'l paleolitíticu asturianu y el barrocu, como tamién setenta mil documentos axuntados pol so fundador:
Llapida preromanica alcontrada na falda del Monsacru en 1800. Patena y xarru visigóticos alcontrados en Ḷḷindes, Quirós. Pieces rellacionados al entornu del Paísax Protexíu del Cabu Peñes. Portada de l'antigua parroquia de San Xuan na actual cai Schultz, d'entamos del sieglu XII . Talla de la Virxe sieglu XVI. Testera de madera d'un Cristu, recatáu de les ruines d'un edificiu alredor de la Catedral de San Salvador d'Uviéu. 10.000 diapositives sobre Asturies.
Referencies
Categoría:Uviéu Categoría:Museos d'Asturies