enllaz=https://es.wikipedia.org/wiki/Archivo:A_lion_is_roaring_to_human.jpg|miniaturadeimagen|Polo xeneral, el miagáu d'un gatu ta mayormente dirixíu al dueñu humanu, yá que'l humanu nun ye a entender les señes hormonales o'l llinguaxe corporal qu'éstos gasten pa comunicase con otros gatos, el miagáu ye la forma de consiguir l'atención del dueñu humanu, como la de la ma, dalgo que desapaez a midida qu'avieya. Un miagáu, miagada, miagatu, miaguida, miaguíu, miagurríu (toos derivaos del verbu miagar) ye la voz animal más típica que caracteriza a un gatu.
Onomatopeyes Trescríbese onomatopéyicamente como «miau» (dialectalmente tamién miao) n'asturianu, nes más de les llingües europees y el chinu mandarín, con variantes asemeyaes: meow, miaow, maw, mieaou...
En xaponés trescríbese como nyaa o nyan, en coreanu ye yaong o nyaong y n'árabe utilízase mowa'a, así y too hai munches variantes d'esta onomatopeya pel mundu. El soníu d'un gatu mui furiosu trescríbese como mkgnao, mrkgnao y mrkrgnao na novela Ulises, de James Joyce. Esiste la palabra bufiatu (derivao del verbu bufar) n'asturianu pa referise a esti soníu.
El miagáu de los gatos La pronunciación d'esta llamada varía significativamente dependiendo del envís. Normalmente vocalicen indicando sufrimientu, pidiendo atención humana (por exemplu, pa que-yos dean de comer), como un saludu o comunicándose con otru gatu. Dalgunos vocalicen cuantiosamente, mentes qu'otros raramente lo fain. Son a emitir cuasi cien menes de vocalizaciones diferentes, incluyendo soníos que s'asemeyen al llinguaxe humanu.Los machos tienen una voz más fuertes y grave que les femes. Los gatos domésticos miaguen muncho más que los monteses, pos ye una forma d'ellos llamar l'atención.
Pa interpretar cada miagáu ye esencial conocer el llinguaxe corporal de los gatos, pos la vocalización vien acompañada de ciertes postures y biecos que revelen qué siente nesi momentu, amás tamién habremos de tar sollertes al tonu, la intensidá y la frecuencia, en llinies xenerales, cuanto más fuerte, intensu y frecuente ye'l miagáu, más urxente y importante ye'l mensaxe que'l felín quier tresmitir.
Delles razones poles qu'un gatu miaga son: ta dándote la bienvenida, quier o precisa daqué, indica sospresa, interés o gustu, quier falar contigo, miaga porque ta aburríu, precisa ayuda o ta enfurruñáu.
El ritual d'apareyamientu consiste nuna persecución d'ún o varios machos a una fema que tea bitondia. Nesti ritual, la fema encárgase de que los machos la sigan, y nos casos nos que ve que nun la sigue dengún machu, miaga. Los machos fain lo mesmo y ansina s'indentifiquen.
Ver tamién Rinxir Síndrome del miagáu de gatu Zoosemiótica
Referencies
Enllaces esternos
Categoría:Etoloxía