L'Academia de la Llingua Aragonesa (, ) yera una institución científica de calter públicu, qu'apaeció na Llei de Llingües d'Aragón de 2009 como autoridá llingüística del idioma aragonés. Los sos estatutos fueron aprobaos el 5 d'abril de 2011 pero nun llegóse a constituyida.
La sede administrativa taría en Zaragoza y la sede institucional taría nel llugar determináu pol so Reglamentu de réxime internu. Tamién se podríen establecer subsedes territoriales.
Tuvo una esistencia efímera: creada nel 2009, aprobaos los sos estatutos en 2011 y suprimida en 2013 pola nueva llei de llingües.
Taba complementada por una Academia Aragonesa del Catalán, que sería l'autoridá llingüística del idioma catalán nel territoriu de la comunidá autónoma d'Aragón.
Los órganos de gobiernu de l'Academia de la Llingua Aragonesa taríen formaos pol Plenu, la Xunta de Gobiernu y el presidente.
La Llei de Llingües de 2013 suprimió esta academia, según l'Academia Aragonesa del Catalán y partió les funciones que la llei de 2009 atribuyéra ente el Gobiernu d'Aragón y l'Academia Aragonesa de la Llingua.
Oxetivos Los fines de l'Academia yeren: Investigar y formular les normes gramaticales, nel so casu, del aragonés teniendo en cuenta les sos variedaes llingüístiques. Inventariar y actualizar el so léxicu. Aguiyar l'usu, enseñanza y espardimientu del aragonés y de les sos distintes modalidaes. Defender y promover l'aragonés y les sos modalidaes y velar polos derechos llingüísticos de los falantes del aragonés. Collaborar na formación del profesoráu. Establecer el criteriu d'autoridá nes cuestiones relatives a la normativa, actualización y usu correctu de la llingua aragonesa. Asesorar a los poderes públicos ya instituciones sobro temes rellacionaes col usu correctu del aragonés, la so promoción social, según sobro la determinación oficial de los topónimos (los nomes oficiales de los territorios, los núcleos de población y les víes interurbanes) y los antropónimos. Les que, nel ámbitu de la so competencia, encárgue-y el Gobiernu d'Aragón.
Ver tamién Academia del Aragonés Institutu del Aragonés
Referencies
Bibliografía
Enllaces esternos
Categoría:Idioma aragonés Categoría:Cultura d'Aragón Categoría:Academies llingüístiques