Miriam Garlo , nome artísticu de Miriam García López, ye una actriz y artista española, conocida principalmente pol so papel protagonista na película Sorda (2025). El so trabayu foi destacáu pola so contribución a la representación de persones sordes nel cine español contemporaneu. En 2026 ganó'l Premiu Goya a Meyor Actriz Revelación.
Biografía Miriam García López nació en 1984 en Molina de Segura (Murcia). Perdió gran parte de la so audición mientres la infancia por cuenta d'una reacción alérxica, lo que marcó la so esperiencia vital y artística. Mientres años comunicóse principalmente por aciu llectura llabial, y nun foi hasta la edá adulta cuando aprendió llingua de señes española, lo que supunxo un puntu d'inflexón personal y creativu.
El so debú cinematográficu llegó con Sorda, un llargumetraxe de 2025 escritu y empobináu pola so hermana Eva Libertad, qu'enceta la maternidá y la identidá dende la perspectiva d'una muyer sorda. La película foi presentada na sección Panorama del Festival Internacional de Cine de Berlín, onde recibió'l Premiu del Públicu, y depués llogró la Biznaga d'Oru a la meyor película española nel Festival de Málaga.
Pola so interpretación, recibió reconocencia de la crítica y foi nomada a diversos premios. El 28 de febreru de 2026 ganó'l Premiu Goya na categoría de meyor actriz revelación.
Premios y reconocencies Premiu Goya a meyor actriz revelación 2026, por Sorda. Premio Zapping a la meyor intérprete 2026, por Sorda, qu'otorga la Associació de Consumidors de Mitjans Audiovisuals de Catalunya.
Referencies
Enllaces esternos
Categoría:Actores y actrices d'España Categoría:Persones de Murcia