Alauda Ruiz de Azúa Arteche ye una directora de cine y guionista española. Col so primer llargumetraxe, Cinco lobitos, ganó el Premiu Goya a meyor dirección novel 2022. Con Los domingos ganó en 2025 la Concha d'Oru de la 72 edición del Festival de Cine de San Sebastián y en 2026 el Premiu Goya a la meyor dirección.
Trayectoria Nacida en Baracaldo, estudió Comunicación Audiovisual na Universidá del País Vascu y Filoloxía Inglesa na Universidá de Deusto y ye diplomada en Dirección na Escuela de Cinematografía y del Audiovisual de la Comunidá de Madrid (ECAM). Ye cofundadora de la productora Igloo Films.
Compatibilizó la dirección de proyectos personales cola realización de publicidad. Los sos curtiumetraxes fueron escoyíos en más de 400 festivales nacionales ya internacionales y llograron más d'un centenar de reconocencies.
En febreru de 2022 estrenó el so primer llargumetraxe, Cinco lobitos na «Sección Panorames» del Festival Internacional de Cine de Berlín. La película, protagonizada por Laia Mariña, Susi Sánchez, Ramón Barea y Mikel Bustamante foi rodada mientres cinco selmanes nel branu de 2021 entre Baquio y Mundaca. Esplicó que surde de la esperiencia personal de la so primer maternidá. Nel Festival de Málaga, en marzu de 2022, la película llogró dellos premios, ente ellos, el de la Biznaga d'Oru, el premiu al meyor guion y el premiu del públicu.
El so segundu llargumetraxe, la comedia romántica Eres tú, foi estrenáu en Netflix en marzu de 2023.
En payares de 2023 anuncióse el rodaxe de la so primer serie de televisión como directora y guionista, Querer, producida por Movistar Plus+. Por ella, ganó, ente otros, el Premiu Alma 2025 al meyor guion de serie dramática, dos Premios Feroz 2025, Meyor guion y meyor dirección, y el Premiu Iris Meyor dirección de ficción ‘Antonio Mercero’, meyor ficción y meyor guion de ficción 2026.
En 2025 anuncióse l'empiezu del rodaxe de Los domingos, película orixinal de Movistar Plus+ que narraba la hestoria d'una moza idealista -interpretada por Blanca Soroa- que plantegaba faese monxa de clausura.
Tres l'estrenu de Los domingos con una bona acoyida de públicu, publicóse que Ruiz de Azúa taba trabayando nuna serie orixinal de Movistar Plus+ centrada nel fenómenu de les plataformes tipu OnlyFans.
Filmografía Clases particulares (corto, 2005) Lo importante (corto, 2006) Dicen (corto, 2011) Nena (corto, 2014) No me da la vida (corto, 2021) Cinco lobitos (largometraje, 2022). Dirección y guion. Eres tú (largometraje, 2023). Dirección. Los domingos (largometraje, 2025). Dirección y guion.
Series de TV Querer (Movistar Plus+, 2024). Miniserie de 4 capítulos ('Querer', 'Mentir', 'Xulgar' y 'Perder')
Referencies
Categoría:Guionistes d'España