Ljutomer (pronunciáu [ˈljúːtɔmɛɾ]; el nome local ye Lotmerk, n') ye una ciudá asitiada na parte noreste d'Eslovenia.
Historia Mientres siglos, Ljutomer goció d'una importante allugamientu xeográficu na intersección d'importantes rutes de tresporte. Mientres l'Imperiu romanu, una importante ruta comercial ente Panonia ya Italia escurría mui cerca d'ellí.
Los eslavos llegaron a la zona colos ávaros cuando emigraron los longobardos. Tres la cayida del principáu eslavu de Carantania baxu el mandatu de Carlomagnu, tola zona incorporóse al estáu carolvinxu.
La llocalidá foi mentada per primer vegada en 1211 col nome de Lvtenwerde. Yá en 1265, llogró derechos de mercáu y cuntó col so propiu tribunal. Pela redolada, los viñeos yeren propiedá de los condes de Celje y Wildhaus y de la archidiócesis de Salzburgu.
Los otomanos escalaron la rexón delles vegaes ente los sieglos XV y XVIII. En 1704, la ciudá foi amburada y escalada polos kurucos, rebeldes húngaros que lluchaben contra los Habsburgu. Nun grave quema asocedida en 1828, casi la metá de la ciudá quedó amenorgada a cenices.
Dempués de 1848, Ljutomer empezó a desenvolvese hasta convertirse nel centru alministrativu, políticu y cultural de la rexón. El 1 d'avientu de 1918, la ciudá foi anexionada al Estáu de los Eslovenos, Croates y Serbios (Yugoslavia). Nel períodu d'entreguerras, munchos residentes, principalmente alemanes, emigraron de la ciudá y la so redolada, especialmente a Alemaña.
Entre 1941 y 1944, la ciudá perteneció a l'Alemaña nazi. A la fin de la Segunda Guerra Mundial, militantes comunistes masacraron a 10 families de Ljutomer y soterraron los sos cuerpos en fueses comunes nos viesques cercanos.
Como resultáu del procesu d'urbanización que tuvo llugar na Yugoslavia socialista, la ciudá espandióse significativamente y adquirió la so forma actual entós daquella.
Xeografía Ljutomer atópase nuna rexón llamada "Prlekija" y ye el so centru. Tien una superficie de na que viven un total de , alcuéntrase a unos 175 metros sobre'l nivel del mar. El ríu Ščavnica traviesa la ciudá y desagua nel ríu Mura nel encruz de Razkrižje.
Nes contornes de Ljutomer atópase una zona montañesa de margas y magres terciarios, que constitúi una importante rexón vitivinícola d'Eslovenia, centrada en el pueblu de Jeruzalem.
La ciudá ta asitiada a lo llargo de delles carreteres rexonales que la conecten con Radenci y Gornja Radgona al norte, con Ormož al sur, Lendava al este y Ptuj al suroeste, lo que la convierte nun importante nuedu de comunicaciones.
Cultura Ljutomer ta asitiada cerca de famosos centros turísticos. La ciudá tamién alluga un muséu municipal, que cuenta con una rica colección d'oxetos rellacionaos colos antiguos movimientos nacionales eslovenos de los siglos XIX y XX y la llucha de lliberación na Segunda Guerra Mundial. Aquí tamién s'entama el Festival de Cine y Vinu de Karol Grossmann.
La ilesia católica n'honor a Xuan el Bautista foi construyida en 1690.
Referencies
Bibliografía
Enllaces esternos
Categoría:Conceyos d'Eslovenia Categoría:Llocalidaes d'Eslovenia