Mahani Teave, nada en Hawai o 14 de febreiro de 1983, é unha pianista clásica orixinaria da Illa de Pascua, en Chile.
Traxectoria Teave naceu en Hawai, filla de pai rapanui e nai estadounidense. Asistiu á Universidade Austral de Chile e estudou música no Instituto de Música de Cleveland e Hochschule für Musik Hanns Eisler Berlin (onde recibiu o Konrad Adenauer Fellowship).
Carreira musical miniatura|dereita|Teave durante un concerto en Iquique, Chile, no ano 2012. Teave é considerada o único músico clásico da Illa de Pascua. Ela comezou a tocar música clásica occidental cando era nena e, despois de que o seu mestre abandonase a illa, a familia de Teave trasladouse a Chile continental para poder continuar a súa educación musical.
Teave realizou viras por todo o mundo, incluíndo actuacións por Chile, Europa e Asia. A súa primeira actuación no Canadá foi en 2014 no simposio da Universidade Carleton na honra de Franz Liszt.
En 2012, Teave fundou a Escola de Música da Illa de Pascua, a primeira escola de música da illa, onde ensinou piano, violonchelo, ukelele e violín. Ela e o seu marido, Enrique Icka, xestionan a ONG Toki Rapa Nui, que axuda a patrocinar a escola.
En 2020, o produtor e cineasta John Forsen estreou un documental, Song of Rapa Nui, sobre Teave. O documental céntrase na súa viaxe vital a través da música, así como no seu traballo contemporáneo na conservación ambiental. En 2021, Teave lanzou o seu primeiro álbum, Rapa Nui Odyssey. Inclúe pezas de Bach, Chopin, Händel, Liszt, Rakhmáninov e Scriabin.
Galardóns e recoñecementos En 2008, a interpretación de Teave do Concerto No. 1 de Rakhmáninov (coa Orquestra Sinfónica de Chile) foi galardoado co Premio APES á mellor interpretación de música clásica en Chile.
Outros premios que gañou Teave inclúen o Cleveland Institute of Music Concerto Competition (2004), o Claudio Arrau International Piano Competition (1999) e o Premio ao Mérito (artes) da Universidade Andrés Bello (2012).
En 2012 Teave foi escollida para converterse en artista de Steinway & Sons. En 2016, recibiu o premio Advancement of Women de Scotiabank polo seu liderado e traballo na Illa de Pascua na promoción da música.
Notas
Véxase tamén Ligazóns externas Páxina oficial ()
Categoría:Nados en 1983 Categoría:Nados en Hawai Categoría:Pobo rapanui