dereita|miniatura|300px|Debuxo do libro maior dun guerreiro cheyenne montado realizando un "golpe que conta" cunha lanza a un guerreiro crow desmontado, década de 1880. Entre os pobos indíxenas das chairas de América do Norte, un golpe que conta é unha tradición guerreira para gañar prestixio fronte ao inimigio na batalla. É unha das formas tradicionais de mostrar valentía ante un inimigo e implica intimidalo, e, espérase, convencelo para que admita a derrota, sen ter que matalo. Estas vitorias pódense lembrar, rexistrar e relatar entón como parte da tradición oral, escrita ou das historias pictóricas da comunidade.
Precedentes históricos Historicamente, calquera golpe asestado contra o inimigo contaba como un "golpe que conta", mais os actos máis prestixiosos incluían tocar a un guerreiro inimigo cunha man, un arco ou un pau de golpe e escapar ileso e sen prexudicar ao inimigo, agás o seu orgullo ferido.Plenty Coups and Linderman, Plenty-Coups, Chief of the Crows, 2002, p. 31."Counting Coup. Counting What?" Antiques Roadshow, WGBH.
Tocar o primeiro inimigo en morrer na batalla ou tocar as obras defensivas do inimigo considerábase "golpe de conta" ao igual que, nalgúns pobos, simplemente cabalgar cara a un inimigo, tocalo cun pau curto e afastarse ileso.Mercedes Mejía. "Campfire Stories: 'Counting coup' and a warrior's unbreakable pride" (text introduction to a broadcast story from Potawatomi elder Colin Wesaw), Michigan Public Radio, 14 de agosto de 2018. Contar golpes ás veces tamén implicaba roubar as armas dun inimigo ou os cabalos atados no seu campamento. Tradicionalmente esíxese risco de lesións ou morte para contar o golpe."COUNTING COUP". Encyclopedia of the Great Plains Indians. University of Nebraska–Lincoln, 2011. Escapar ileso mentres se conta o golpe considérase tradicionalmente un honor máis alto que ser ferido no intento.
Notas
Véxase tamén Bibliografía Plenty Coups and Linderman, Frank Bird. Plenty-Coups, Chief of the Crows. Lincoln, Neb.: University of Nebraska Press, 2002.
Categoría:Cultura nativa americana