Jens Christian Moesgaard, nado en 1963 en Aarhus, Xutlandia, é un numismático danés."Moesgaard, Jens Christian". En Coins Weekly. 19 de marzo de 2020."Jens Christian Moesgaard". Stockholms Universitet.
Traxectoria Moesgaard estudou Historia na Universidade de Copenhague, onde se graduou en 1992 cunha tese acerca da política monetaria da Casa de Lancaster na Alta Normardía.Véxase "Publicacións" (1992).
Ese mesmo 1992 desprazouse a Francia para traballar nos Museos Departamentais de Seine-Maritime, en Ruán, onde se encargou das súas coleccións de moedas. En 1996 colaborou coa Asociación para as Escavacións Arqueolóxicas Nacionais (AFAN), na vila de Petit-Quevilly, próxima a Ruán, no ámbito da localización e a avaliación de achados monetarios.
En xaneiro de 1997 foi contratado como investigador asociado polo Museo Fitzwilliam, en Cambridge, para o seu proxecto sobre achados monetarios Early Medieval Coin Finds, onde traballou xunto con Mark Blackburn; mais en maio dese mesmo ano deixou ese proxecto para entrar a formar parte do cadro científico do Museo Nacional de Copenhague, onde estivo como investigador ata 2009.
En marzo de 2015 foi profesor invitado na Escola Práctica de Altos Estudos de París, e no curso 2017-2018 acadou a bolsa de investigación Marie Sklodowska-Curie do Instituto de Estudos Avanzados do Val do Loira (Le Studium)."Dr Jens-Christian Moesgaard". Le Studium Loire Valley Institute for Advanced Studies.
En febreiro de 2020, Moesgaard ingresou no Instituto Numismático de Estocolmo, da Universidade de Estocolmo, onde exerce como profesor de Numismática e Historia Monetaria.
Jens Christan Moesgaard forma parte do comité científico de diversas publicacións periódicas de carácter numismático, como Revue Numismatique ou Brussels Journal of Archaeological Numismatic, e é editor de Nordisk Numismatisk Unions Medlemsblad, da Unión Numismática Nórdica. Ademais, é membro correspondente da Sociedade Numismática Sueca desde 2007"SNF:s korresponderande ledamöter". Svenska Numismatiska Föreningen. e membro honorario da Association Numismatique du Centre, de Orleáns.
Recoñecementos
2014: Medalla Holger Hede, da Sociedade Numismática Danesa. 2017: Jeton de Vermeil, da Société française de numismatique."Médaille et jeton de vermeil". Société Française de Numismatique (SFN)."Jeton de vermeil 2017 – M. Jens Christian Moesgaard". SFN. 2020: Medalla Gunnar Holst, da Gunnar Holst Stiftelse för Numismatik, de Gotemburgo."Jens Christian Moesgaard tilldelades Gunnar Holst-medaljen 2020". Stockholms universitet.
Publicacións Estas son as monografías máis salientables publicadas por Jens-Christian Moesgaard ao longo da súa carreira:"Moesgaard, Jens Christian ". Digital Library Numis."Jens Christian Moesgaard". Academia.edu"Moesgaard, Jens Christian". WorldCat."Moesgaard, Jens Christian". Persée.
(1992). La politique monétaire des rois lancastriens en Haute-Normandie de 1417/19 à 1449/50 : une étude de la circulation monétaire. Institut d'histoire, Université de Copenhague. (2015). Les trésors monétaires médiévaux découverts en Haute-Normandie (754–1514). Moneta, Wetteren. ISBN 978-94-91384-51-6 (2015). King Harold’s Cross Coinage. Christian Coins for the Merchants of Haithabu and the King’s Soldiers. University Press of Southern Denmark, Odense. ISBN 978-87-7602-323-2
(2018): Denar til daler. Danmarks Mønthistorie indtl 1550 (con H. W. Horsnæs e M. Märcher). Nationalmuseet. ISBN 9788792933072
Notas
Categoría:Nados en 1963 Categoría:Nados en Dinamarca Categoría:Numismáticos de Dinamarca Categoría:Historiadores de Dinamarca Categoría:Galardoados co Jeton de Vermeil Categoría:Galardoados coa medalla Gunnar Holst Categoría:Alumnos da Universidade de Copenhague Categoría:Profesores da Universidade de Estocolmo Categoría:Persoas relacionadas co Museo Fitzwilliam Categoría:Personalidades sen imaxes