Father of the Bride é o cuarto álbum de estudio da banda estadounidense de indie rock Vampire Weekend, publicado o 3 de maio de 2019 a través do selo Columbia Records, sendo o seu primeiro disco cunha gran discográfica.
Foi o primeiro traballo do grupo en case seis anos, tras Modern Vampires of the City (2013), e tamén o primeiro proxecto dende a marcha do multiinstrumentista e produtor Rostam Batmanglij. Foi producido principalmente por Ariel Rechtshaid e o vocalista Ezra Koenig, e ten numerosos colaboradores, como Danielle Haim, Steve Lacy, Dave Macklovitch de Chromeo, DJ Dahi, Sam Gendel, BloodPop, Mark Ronson e Batmanglij.
Foi precedido por tres sinxelos dobres: "Harmony Hall"/"2021", "Sunflower"/"Big Blue" e "This Life"/"Unbearably White". Tras o seu lanzamento foi recibido cunha ampla aclamación da crítica, conseguindo a banda o seu segundo Grammy ao mellor álbum de música alternativa, ademais dunha nomeación ao álbum do ano. Tamén foi un éxito comercial, converténdose no terceiro álbum consecutivo da banda en estrearse no número 1 da lista Billboard 200.
Listaxe de cancións
Notas
Categoría:Álbums de Vampire Weekend Categoría:Álbums musicais de 2019 Categoría:Álbums producidos por Ariel Rechtshaid Categoría:Álbums producidos por Rostam Batmanglij Categoría:Álbums producidos por Steve Lacy Categoría:Álbums producidos por DJ Dahi Categoría:Álbums de Columbia Records