Prada é unha firma italiana adicada á moda. Fundada por Mario Prada en 1913 como Fratelli Prada (en galego: Irmáns Prada), a firma deu un xiro radical coa chegada á xerencia de Miuccia Prada, neta do fundador, en 1978.
A casa lanzou a colección de baixo custo Miu Miu en 1992, e adquiriu Fendi a comezos dos anos 90, firma que vendeu posteriormente a LVMH nun período de dificultades financeiras.
Dende 2003 tamén comercializa perfumes, en colaboración coa empresa catalá de moda Puig.
Historia A firma fundouna Mario Prada en 1913 dedicada á confección e venda de baúis, bolsos, maletas e zapatos nas súas dúas tendas en Milán.
En 1978 a empresa comezou a súa etapa máis decisiva, ao entrar Miuccia, neta do fundador, na compañía. Miuccia Prada licenciárase en Ciencias Políticas e amais estudara cinco anos de interpretación no Teatro Piccolo de Milán. Malia que a súa preparación non semellaba a apropiada, tiña un sentido estético novidoso. Por aquel entón, a marca seguía producindo principalmente artigos de coiro, e atravesaba anos de dificultades económicas. A competencia doutras firmas de moda semellantes, como Gucci, estaba a perxudicala bastante. Miuccia tornou a situación ao cambiar a traxectoria da firma, levandoa ao sector do prêt-à-porter de luxo.
En 2003 a compañía catalá de moda e perfumes Puig comezou a colaborar coa marca.
Arquitectura das tendas Prada encargou o deseño das súas novas tendas en Nova York, San Francisco e Os Ánxeles ao estudio holandés de arquitectura OMA/Rem Koolhaas.
En 2005, preto das cidades de Valentine e Marfa, en Texas, os artistas escandinavos Michael Elmgreen e Ingar Dragset deseñaron o Prada Marfa, unha escultura que semella unha pequena tenda de Prada. O edificio foi parcialmente financiado pola Fundación Prada.
Notas
Véxase tamén Ligazóns externas
Páxina web oficial de Prada
Categoría:Empresas de Italia Categoría:Empresas téxtiles Categoría:Empresas de deseño