Sigüeiro é unha vila da parroquia de Oroso, no concello coruñés de Oroso. Segundo o IGE en 2018 tiña 3.845 habitantes (1.921 homes e 1.924 mulleres)O número total de habitantes é a suma dos correspondentes aos dous lugares que aparecen no nomenclátor do IGE con este nome nos concellos de Oroso e Santiago de Compostela. Véxase: . É a capital administrativa do concello.
Historia Ata o ano 2005 existían oficialmente dous lugares co nome de Sigüeiro nos concellos de Oroso e Santiago de Compostela. O Decreto 25/2005 do 3 de febreiro (DOG nº 34 do 18 de febreiro) incorporou o lugar do concello de Santiago ao concello de Oroso xa que, como se recolle en dito decreto, "na actualidade Sigüeiro configúrase como un único núcleo urbano, integrado por Sigüeiro de Oroso e Sigüeiro de Santiago de Compostela". Porén, no Nomenclátor de Galicia seguen a aparecer en 2015 ambos os lugares en cadanseu concello, feito que está en contradición co Decreto anteriormente nomeado.
Sigüeiro pertence á parroquia eclesiástica da Barciela cuxo territorio se reparte entre os concellos de Oroso e Santiago de Compostela.
Galería de imaxes
Notas
Lugares e parroquias Lugares de Oroso
Parroquias de Oroso
Véxase tamén Outros artigos A Barciela Sigüeiro, A Barciela, Santiago de Compostela
Categoría:Lugares de Oroso Categoría:Lugares divididos entre dous concellos