Nina Jankowicz , ye una investigadora y escritora d'Estaos Xuníos especializada en desinformación, democracia, redes sociales, Europa Oriental y l'impactu del acosu dixital sobre les muyeres.
Jankowicz estudió nel Bryn Mawr College y consiguió un máster n'Estudios Rusos, Euroasiáticos y d'Europa Oriental na Universidá de Georgetown. Trabayó nel National Democratic Institute en programes de fortalecimientu democráticu rellacionaos con Rusia y Bielorrusia y foi Fulbright-Clinton Public Policy Fellow n'Ucraína, onde asesoró al Ministeriu d'Asuntos Esteriores en comunicación estratéxica.Nina Jankowicz, Wilson Center.
Posteriormente foi investigadora del Wilson Center, onde estudió la desinformación, la regulación de les redes sociales y les campañes d'acosu contra muyeres. Publicó How to Lose the Information War: Russia, Fake News, and the Future of Conflict en 2020 y How to Be a Woman Online en 2022.
En 2022 foi escoyida pa dirixir el Disinformation Governance Board del Departamentu de Seguridá Nacional d'Estaos Xuníos, pero dimitió tres la suspensión del proyectu. En 2024 cofundó The American Sunlight Project, organización dedicada al estudiu y combate de la desinformación, de la que ye direutora executiva.Team, The American Sunlight Project. En 2023 foi incluyida na llista Time 100 AI.
Referencies
Enllaces esternos
Categoría:Investigadores d'Estaos Xuníos Categoría:Escritores d'Estaos Xuníos Categoría:Desinformación Categoría:Activistes d'Estaos Xuníos