Kelly McKernan , ye una artista ya ilustradora d'Estaos Xuníos, conocida tamién pola so actividá na defensa de los derechos de los artistes frente al entrenamientu de modelos d'intelixencia artificial xenerativa con obres protexíes por derechos d'autor.
McKernan consiguió un graduáu en Belles Artes na Kennesaw State University en 2009 y trabaya profesionalmente como artista a tiempu completu dende 2012. La so producción inclúi principalmente acuarela y pintura acrílica, amás d'ilustraciones pa llibros, cómics y videoxuegos. Dende 2023 exerce tamién como profesora d'ilustración nel Nossi College of Art de Nashville.About, Kelly McKernan.
A partir de 2022 McKernan denunció que'l so nome y la so obra s'utilizaben pa xenerar imáxenes con sistemes d'intelixencia artificial capaces d'imitar elementos del so estilu. En xineru de 2023 participó xunto con Sarah Andersen y Karla Ortiz nuna demanda contra Stability AI, Midjourney y DeviantArt polos usos de material artístico nel entrenamientu de modelos xenerativos.
El casu convirtió a McKernan nuna de les figures más visibles del debate sobre intelixencia artificial, consentimientu, atribución y derechos d'autor nel arte dixital. En 2023 foi incluyida na llista Time 100 AI de persones influyentes nel desenvolvimientu y debate social sobre esta tecnoloxía.
Referencies
Enllaces esternos
Categoría:Artistes d'Estaos Xuníos Categoría:Ilustradores d'Estaos Xuníos Categoría:Intelixencia artificial xenerativa