Alondra Nelson , ye una socióloga, investigadora y especialista en política científica y tecnolóxica d'Estaos Xuníos. La so investigación estudia les relaciones ente ciencia, tecnoloxía, raza, desigualdá social, medicina, xenética ya intelixencia artificial.
Nelson graduóse n'antropoloxía na Universidá de California en San Diego y doctoróse n'Estudios Americanos na Universidá de Nueva York. Foi profesora na Universidá Yale y na Universidá Columbia, onde foi la primer decana de la División de Ciencies Sociales. Dende 2019 ye profesora Harold F. Linder del Institute for Advanced Study, onde fundó y dirixe'l Science, Technology, and Social Values Lab.Alondra Nelson, Institute for Advanced Study.
Ente 2021 y 2023 trabayó na Oficina de Política Científica y Tecnolóxica de la Casa Blanca durante la presidencia de Joe Biden, onde llegó a exercer como direutora en funciones. Foi una de les principales responsables del Blueprint for an AI Bill of Rights, un marcu de principios pa protexer derechos civiles frente al usu de sistemes automatizaos.Alondra Nelson to Conclude Distinguished Term at White House, Institute for Advanced Study.
Ye autora d'obres como Body and Soul: The Black Panther Party and the Fight against Medical Discrimination y The Social Life of DNA. En 2023 foi nomada integrante del órganu asesor d'altu nivel de les Naciones Xuníes sobre intelixencia artificial y foi incluyida na primer llista Time 100 AI.Alondra Nelson Named to U.N. High-Level Advisory Body on AI, Institute for Advanced Study.
Referencies
Enllaces esternos
Categoría:Sociólogos d'Estaos Xuníos Categoría:Investigadores d'Estaos Xuníos Categoría:Especialistes n'intelixencia artificial Categoría:Profesores de la Universidá Columbia