Evald Flisar ye un escritor, poeta, dramaturgu, redactor y ensayista eslovenu.
Biografía Pasó la so infancia na rexón montesa (Goričko) de Transmurania. Completó los sos estudios secundarios en Murska Sobota y estudió en la Facultá d'Artes de Llubliana. Dende 1965 collabora en periódicos y revistes lliteraries. Darréu estudió dramaturxa y llingua y lliteratura inglesa nel West London College.
En Sydney, Australia, estudió sicoloxía y escribió obres de radio pa l'Australian Broadcasting Commission. En 1975 instalóse definitivamente en Londres, onde siguió escribiendo y trabayando como editor pa diverses editoriales. Escribió obres de radio y cuentos pa la BBC.
Ente 1995 y 2002 foi presidente de l'Asociación d'Escritores d'Eslovenia (), y mientres la so presidencia empezó a entamar el festival Díes del Llibru d'Eslovenia (), y dende 1998 edita la revista lliteraria eslovena Sodobnost. En 2015 asumió la presidencia del Centru PEN eslovenu, cargu al qu'arrenunció nel branu de 2016.
Evald Flisar ye unu de los autores eslovenos más traducíos, les sos obres fueron traducíes a 44 idiomes. Ye espertu en creación lliteraria tantu n'eslovenu como n'inglés y escribió delles obres en dambos idiomes. Amás de les sos propies obres, tamién traduz les obres d'otros autores eslovenos.
Referencies
Bibliografía
Enllaces esternos
Categoría:Escritores n'eslovenu Categoría:Poetes d'Eslovenia Categoría:Persones de Transmurania Categoría:Escritores d'Eslovenia Categoría:Dramaturgos y dramaturgues d'Eslovenia