Les metodoloxíes actives son un procesu interactivu ente la comunicación maestru-alumnáu, alumnáu-alumnáu, alumnáu- material didáctico y alumnáu- mediu que favorece la implicación responsable d'esti últimu y trae la satisfaición y arriquecimientu del profesoráu y los estudiantes (López, 2005). Sicasí, l'usu y l'utilidá de los métodos activos nun se llinda al ámbitu de la educación formal, sinón que s'apliquen tamién nel ámbitu de la educación non formal. Los modelos d'intervención como l'animación sociocultural y l'educación pal ociu y tiempu llibre, básanse nestas metodoloxíes actives, tal y como demuestra Airosa y el so equipu (2016)
Carauterístiques miniaturadeimagen|Característiques
Los métodos activos suelen definíse pola oposición a los métodos pasivos o receptivos utilizaos tradicionalmente na enseñanza. Asina, caracterízanse por tres carauterístiques fundamentales: actividá, participación y autodirección (Ventosa, 2012) Ye una enseñanza centrada nel estudiante. El deprendimientu ye concebíu como un procesu constructivu y non receptivu. El deprendimientu ye autodirixido. Trata de promover habilidaes que dexen al estudiante xulgar la dificultá de los problemes, detectar si entendieron un testu, saber cuando utilizar estratexes alternatives pa entender la documentación y saber evaluar la so progresión na alquisición de conocimientos (Brunning 1995). La enseñanza tien llugar nel contestu de problemes del mundu real o de la práctica profesional, presentando situaciones lo más cercanes posibles al contestu profesional en que l'estudiante va desenvolver nel futuru.
Historia Anque paeza un conceutu nuevu les metodoloxíes actives tán presentes a lo llargo de la hestoria. Tantu autores (Pestalozzi, Herbart, Fröebel, Dewey, etc.) como instituciones (la Institución Llibre d'Enseñanza, la Escuela Nueva, la Escuela Única Republicana, etc.) yá utilizaben esta denominación.
A lo llargo de la hestoria Sócrates criticó la educación tradicional griega, mientres Cicerón fízolo cola romana y humanistes de la Renacimientu como Erasmo –ente otros – enfrentáronse a la educación medieval; etapa na que la formación escolar romana foi sustituyida poles escueles de la ilesia.
Nel sieglu XVII, modifícase la educación establecida nel sieglu anterior, va dase a les instituciones mayor amplitú, camuden los métodos, los programes y la disciplina anídiase. Los métodos d'enseñanza fáense más racionales, inténtase dar una base psicolóxica a la educación; entámase a emplegar el métodu inductivu, non solo nes ciencies naturales sinón en toles árees de conocimientu. Esti procesu, llentu na práctica, sería la grana que fructificaría mientres el sieglu siguiente.
Yá nel , Pestalozzi, influyíu pola visión de la naturaleza de Rousseau, convirtió nel educador por excelencia ; pa unos, el so trabayu con güérfanos y méndigos podría considerase l'entamu de la educación especial y, pa otros, foi un defensor de la formación integral y del deprendimientu al traviés de la práctica y l'observación. Pestalozzi defende l'estudiu harmónicu dende la niñez, en llugar d'establecer periodos separaos na vida consagraos caún a desenvolver una facultá ; sigue la marcha de la naturaleza y camuda los métodos según el grau de desenvolvimientu de la persona.
Foi a finales del sieglu y principios del XX, cuando s'empecipió un importante movimientu de renovación educativa y pedagóxica conocíu como Educación Nueva ; una corriente que buscaba camudar el rumbu de la educación tradicional pa da-y sentíu activu al introducir nuevos estilos d'enseñanza. L'alumnu conviértese nel centru del procesu educativu, refúgase'l deprendimientu memorístico y foméntase l'espíritu críticu al traviés del métodu científicu. Los nuevos métodos nel sieglu caracterízanse por una enseñanza cada vez menos espositiva y dogmática : les coses en llugar de les palabres; l'estudiu pola observación personal en llugar de la conocencia pol maestru ; la construcción real.
Componentes de les metodoloxíes actives Estos principios educativos comunes a les metodoloxíes actives d'enseñanza lleven a presentar una serie de componentes onde l'estudiante encara problemes que debe estructurar, y esforciase,con ayuda del profesoráu, por atopar soluciones con sentíu. Estos componentes pueden sintetizase de la forma siguiente (Johnson et al 2000):
L'escenariu: establez el contestu pal problema, casu o proyectu. Davezu diz-y a los estudiantes qué función, rol o perfil profesional asumir cuando resuelven el problema (p. ex.: ustedes son un grupu d'investigadores químicos, críticos de teatru, un programador de televisión…). El problema suel llevar un oxetu d'información qu'introduz a los estudiantes nel contestu del problema. Podría ser la noticia d'un periódicu, una imaxe intrigante o un poema. Dafechu, l'oxetu informativu nun contién el problema en sí nin pistes pa les direcciones a tomar dientro d'un problema. Ye más un elemento contextualizador y motivador, que crea una necesidá de deprendimientu.
Trabayu en grupu : Los estudiantes trabayen en pequeños grupos. Los grupos apurren un marcu de trabayu nel que los estudiantes pueden probar y desenvolver el so nivel de comprensión. Ellos modelen tamién l'entornu de trabayu reales. La complexidá de los problemes puede dar llugar a que los miembros del grupu van tener que repartise les xeres p'avanzar. Los estudiantes tienen una responsabilidá col trabayu eficiente del grupu según col desenvolvimientu del so deprendimientu individual.
Solución de problemes: Los problemes plantegaos nun entornu de metodoloxíes actives suelen ser complexos por naturaleza y van precisar polo xeneral razonamientu ya indagación. Estos problemes son indicadores, en munches formes, de los tipos de problemes encaraos polos profesionales. Dependiendo del cursu universitariu tien de graduase la dificultá del problema, casu o proyectu, según les instrucciones pal so resolvimientu.
Descubrimientu de nuevos conocimientos: Col fin d'atopar una solución con sentíu, los estudiantes van tener que buscar nuevos conocimientos. Dende'l mesmu comienzu, los estudiantes tienen de determinar qué saben y qué precisen saber pa poder siguir. Los discutinios de grupu acomuñen esti nuevu material col marcu de conocencia que tán tratando de construyir.
Basáu nel mundu real: La énfasis principal ye animar a los estudiantes a empezar a pensar como profesionales dende l'entamu de les sos carreres, facilitando asina la transición de la Universidá al puestu de trabayu. En munchos de los problemes, tanto teóricos como prácticos, los estudiantes van atopar que nun esiste necesariamente una sola respuesta correcta, anque sí lleis y modelos que formen el cuerpu teóricu de la disciplina. Deprendimientu basáu en proyectos: fomenta'l trabayu n'equipu y l'aplicación de les conocencies. Deprendimientu cooperativu : promueve la collaboración ente estudiantes, colo qu'ello trai en cuanto al desenvolvimientu d'habilidaes sociales. Enseñanza estremada : afai les actividaes y conteníos a les necesidaes individuales del alumnáu. Gamificación: aprender por aciu xuegos ye otra de les propuestes que trai la LOMLOE consigo. Al traviés de los xuegos, el maestru/a consigue espertar l'interés nel alumnáu y, por tanto, que tea más motiváu y receptivu pal deprendizax.
¿Qué pretende? La metodoloxía activa busca xenerar cambios significativos na clas, pos se busca dexar de llau la educación tradicional de tala forma que se modifica'l pensamientu de que l'estudiante ye una “caxa vacía” que precisa ser enllenada o alimentada cola conocencia impartida pol profesor, quien ye'l que tien la verdá absoluta.
Quier xenerase cambios nes estratexes de deprendimientu tipu memorísticas, de tala forma que tresfórmese nuna educación que brinde a los estudiantes ferramientes que puedan implementar na so vida diaria, al igual que se xeneren espacios de reflexón sobro lo aprendío.
La metodoloxía activa, céntrase na forma d'aprender del estudiante, col fin d'aumentar la capacidá de retención y reflexón onde l'estudiante pueda proponer y construyir.
Agora bien, Perkins, citáu por Gálvez (2013), destaca la interaición de la persona col so entornu como un sistema d'enseñanza que facilita'l desenvolvimientu de la metodoloxía activa porque :
Dexa l'alquisición de deprendimientos faciendo usu intensivu de la información, los recursos físicos, l'acción y la dependencia recíproca colos otros, desenvolviendo aptitúes ya intereses. Toma en cuenta les fontes de bon accesu y considera los recursos físicos esternos para'l caltenimientu de la información. Desenvuelve una “intelixencia más apropiada”. Fai los sos elementos que -y ufierta'l entornu. La persona llogra un funcionamientu cognitivu más eficiente al utilizar los recursos que brinda'l so entornu dende'l puntu de vista físicu, social y simbólicu pa depués tresformálo. Da importancia a la collaboración y al trabayu n'equipu. La persona piensa y recuerda socialmente intercambiando con otros, compartiendo información, puntos de vista ya hipótesis. Desenvuelve la capacidá de tresferir deprendimientos. Apurre nueva información y fai posible l'aplicación de nueves conocencies. Toma en cuenta los distintos tipos d'intelixencia y estilos de deprendimientu. La satisfaición y arriquecimientu del docente y estudiante.
Ventayes ya inconvenientes
Ventayes Tresforma'l deprendimientu nun auténticu y eficaz resultáu de la educación. Establezse'l cambiu conceptual al traviés del compromisu y la participación. La enseñanza conviértese en función didáctica. Busca y topa la verdá, per mediu d'un deprendimientu por descubrimientu. Tien una formación integral. Centráse na observación y xuicios sobro los fechos y acciones. Contién toles facultaes mentales. Constrúi y/o xenera conocimientos de forma autónoma. Esclúi la enseñanza dogmática. Meyora'l grau de retención de conceutos. Los estudiantes tienen criteriu propiu. Provoca motivación, porque dexa aplicar distintos métodos activos. Fomenta'l paidocentrismo.
Inconvenientes Ritmu de clase duro pal profesor. Difícil cubrir tol material curricular. Resistencia, sobre manera al entamu, del alumnáu a la metodoloxía activa. Cambiu del modelu d'evaluación que s'imaxina l'alumnu. Provoca desorde ya indisciplina, cuando les instrucciones son mal daes y executaes. Les males rellaciones interpersonales ente los escolares inflúi negativamente na realización d'actividaes. Trabayu non equitativo. Perda de tiempu, cuando les actividaes nun tán bien estructuradas.
Nuevos roles
Papel del estudiante L'estudiante constrúi la so conocencia a partir de pautes y lineamientos que da'l maestru/a. Asina, l'estudiante ye'l responsable del so procesu de deprendimientu (Torres, 2019).
Agora bien, cola metodoloxía activa, l'estudiante tien de desenvolver habilidaes de busca, selección, análisis y evaluación que-y dexen construyir conocimientu.
Al traviés de la metodoloxía activa, l'estudiante deprende de manera autónoma y xenera espacios que dexen construyir conocencies al so ritmu, de tala forma que brinde una aportación a la sociedá dende'l so saber.
Ye un axente activu na planificación, desenvolvimientu, alquisición y evaluación de la información.
La so participación ye permanente y les sos aportaciones son valoraos costantemente.
Papel del docente Ye'l que planifica, diseña actividaes y estratexes que dexen xenerar espacios de construcción de la conocencia a los estudiantes.
Conviértese nun guía, porque planifica estratexes d'enseñanza que brinden a los estudiantes ferramientes pa construyir una conocencia propia. El docente, tien de conocer les debilidaes y fortaleces, al igual que los intereses de caúnu pa poder sofitar el deprendimientu.
Papel de guía y mediador.
Aspeutos metodolóxicos