Resistencia ye un documental de 2006 de Lucinda Torre sobre’l conflictu na empresa Duro Felguera que duró casi una década.
Sinopsis N’Asturies, la empresa Duro Felguera despidió en 1993 a 232 trabayadores. De magar entós, dio principiu una llucha de diez años pa qu’esos trabayadores fueren almitíos otra vez. "Resistencia" ye la historia d’una llucha obrera qu’acabó trunfando. Partiendo de les acciones de los trabayadores despedíos y la solidaridá de la comunidá, ábrese una reflexón sobre les condiciones de la vida llaboral nes sociedaes neolliberales, al empar que se solliña la capacidá de resistencia al través de la llucha colectiva.
Premios
2007 Premiu del públicu nel Festival Documenta de Madrid.«Resistencia», de Lucinda Torre, premiada en el Documenta de Madrid». La Nueva España. 12 de mayo de 2007
2007 Festival de Cádiz. Premiu especial al Meyor Documental de Conteníu Social.EFE | (21 de septiembre de 2007). «El Festival de Cadiz premia el documental 'Resistencia' de la asturiana Lucinda Torre». El Comercio: Diario de Asturias.
Reacciones «Nesta crónica del conflictu, les directores amuesen un interés particular nel papel que les muyeres adoptaron mentes el procesu de resistencia. La película descubre a un grupu de ciudadanos que siempre creyeron na xusticia y aborda ensin mordese la llingua dalgunes de les consecuencies de la globalización neolliberal nes nuestres sociedaes. Cine de compromisu y reflexón nel tiempu que nos toca vivir.» El Correo.Correo, El (28 de marzo de 2009). «"Resistencia"». agenda.elcorreo.com.
«Torre fai en Resistencia un rellatu de supervivencia y dignidá que recueye’l conflictu llaboral más llargu de la historia europea y reflexona sobre les consecuencies del capitalismu global nes nuestres democracies.» Laboral Cineteca.«Documental asturiano, un clásico y dos nuevos títulos del mejor cine independiente esta semana en Laboral Cineteca». Laboral Cinemateca. Consultado el 12 de noviembre de 2025.
«La memoria del conflictu de los despedíos de la Duro pervivió al través d’un tiempu que perpasa yá’l cuartu de sieglu trescurríu de magar entós. Contribuyen a ello la so singularidá y tamién la so radicalidá. Ayudó de xuru que Dixebra ufiertara cola so yá mencionada canción una banda sonora a mou de recordatoriu. Y tuvo tamién un rellatu cinematográficu nel documental de Lucinda Torre Resistencia que, sicasí, vio’l so recorríu llastráu polos alderiques que xeneró nuna parte de los protagonistes. Nun ye posible la unanimidá y de xuru que tampoco hai llugar pal consensu, pero aquella llucha ufre un material narrativo potente y enzarra una historia que merez ser contada. Esti llibru fáilo dende la minuciosidá y el procuru d’un trabayu seriu. Los de La Duro yá tienen quien-yos escriba. Y los interesaos na memoria obrera tenemos una nueva fonte onde beber.» Rubén Vega (2024).Rubén Vega. Prólogo. «No era imposible. Crónica del conflicto laboral en Duro Felguera, 1989-1999)». Referencies
Categoría:Cine asturianu