L’escaezu. Recuerdos del 37 ye una película documental de 2008 sobre la memoria, l’esllarigamientu, l’exiliu y el regresu, dirixida por Juan Luis Ruiz Fernández y Lucía Herrera con argumentu de Fran Gayo. Ye parte de la filmografía del Nuevu Cine Asturianu.«Así es la «nueva ola» del cine asturiano que ha seducido en el FICX». La Voz de Asturias. 26 de noviembre de 2018.
Argumentu El grupu musical Mus da un conciertu pa los Neños de la Guerra en Moscú. A partir d’equí surde la película L’escaezu. Recuerdos del 37, que xira alredor d’aquellos neños y neñes qu’en 1937 vivieron una evacuación forzosa por causa de la Guerra Civil española hacia la URSS. Munchos tuvieron qu’aguardar casi 20 años pa poder volver; otros nunca pudieron facelo. El filme parte de lo colectivo, la evacuación y la guerra, p’adientrarse en cada personaxe y na historia de les histories. Y dende cada historia volver al grupu, a los 'Neños', a toos esos factores que fueron texendo les sos vides con madexes comunes: la Guerra Civil, la Segunda Guerra Mundial, la posguerra, la crisis de los misiles, la Guerra Fría, el fin de la Xunión Soviética, la dictadura franquista y los nuestros díes.«'L'escaezu. Recuerdos del 37'». Asturies.com. El documental non solo pescuda nel socesu colectivu de la evacuación y la guerra, sinon cómo l’exiliu, la Segunda Guerra Mundial en tierres soviétiques y los años de posguerra y Guerra Fría marcaron la vida individual d’estos "Neños de Rusia".
Festivales L'escaezu presentóse nel Festival Internacional de Cine de Xixón.«Falamos de cine asturianu, non de cine fechu n’Asturies». canales.elcomercio.es (en castellán).
Referencies
Categoría:Cine asturianu