El parque nacional Ånderdalen () ta asitiáu na islla de Senja, nel condáu de Troms, Noruega. El parque, con una superficie de 134 km2, ta dientro del conceyu de Senja. Foi establecíu por decretu real el 6 de febreru de 1970 y foi ampliáu en 2004. El parque nacional caltién el paisaxe costeru del norte de Noruega. El sustratu xeolóxicu ta formáu por roques granítiques dures y el paisaxe amosa nidies les fuercies glaciares que modelaron Senja. El monte de pinos costeros n'Ånderdalen caltién en dalgunes zones un monte primitivu con árboles de más de 600 años y pinos marmóreos de menor altor. A lo llargo del ríu hai abondosos bosques d'abedul y zones de ribera bien espeses.
El parque nacional nun tenía alces antes de 1940, pero anguaño tien una población permanente. Tamién ye una zona importante de parición y pastu pa renos semiadomaos. Los animales pequeños más comunes son la raposa, la mustadiella, llebre, rucadores pequeños y dos especies de musarañes. Hai foques nos cabos de los fiordos y llondres que suelen vese a lo llargo de los ríos. La trucha y el Salvelinus alpinus son comunes, y el salmón cuerre'l ríu hasta'l llagu Åndervatn.
Referencies
Enllaces esternos
Categoría:Parques nacionales de Noruega