Fray Benito González Orviz foi ún flaire agustín, misioneru y escritor asturianu, destacáu polo sos escritos nuralistes sobro la cultura china y pol so llabor misioneru n'Asia.
Biografía Nacíu na rica casa de los Orviz de Perabeles, cursó los sos estudios na escuela parroquial de Santa Bárbola y siguiólos en Valladolid, onde tomó l'hábitu de San Agustín el 7 d'avientu de 1874.
Nel añu 1879, afanóse nun viaxe misioneru con destín a les islles Filipines, nesa dómina pertenecientes al imperiu español. Mientres la so estancia en Manila foi ordenáu presbíteru.
Dempués de dos años, foi amestáu a una misión na rexón de Hunan, nel norte de China, onde permaneció per casi 30 años, algamando altos cargos na orden agustina.
Nesi tiempu escribió munchos testos que fueron publicaos nes revistes agustines d'España, incluyendo una serie llarga de cartes de china, sobro temes como la cría de guxanos de seda, la llantadera del té o les sos observaciones sobro la abegosa llabor misionera n'Asia.
Llogró bien falar el chinu y el llatín, dexando obres como la , y delles traducciones del chinu al llatín, como Edicta contra misioneros en Sanctafe promulgata.
La vida de Flaire Benito foi revesosa y enllena d'entueyos. Cuando diba allegar a un sínodu na ciudá de Hankou, el barcu nel que navegaba foi atacáu por pirates ingleses. González Orviz morrió nel naufraxu.
El so llabor lliterariu foi reimpresa poles Misiones Católicas en Barcelona. Gracies a los sos trabayos, nel Archivu Históricu-Augustiniego foi añadíu (en 1914) un bien llargu estudiu póstumu sobro la llingua china y la meyor manera de predicar ende.
Obra
(1988)
Cartes de China
Bibliografía González Antuña, César. Fraz Benito González Orviz: Agustín, misioneru y escritor. La Plaza, Sotrondio, 1996.González Antuña, César. Fray Benito González Orviz: Agustín, misioneru y escritor. "Les fiestes del Pote", 1996, La Plaza, Sotrondio. Sola, D. (2018). Cronista de China, El. Juan González de Mendoza, entre la misión, el imperio y la historia (Vol. 2). Edicions Universitat Barcelona. CHEN, Ruojun. Estudios culturales y lingüísticos chinos en España. Analecta Malacitana. Revista de la sección de Filología de la Facultad de Filosofía y Letras, 2015, vol. 38, no 1.
Referencies
Enllaces esternos
Categoría:Relixosos y relixoses d'Asturies Categoría:Escritores d'Asturies Categoría:Traductores d'Asturies Categoría:Traductores al asturianu Categoría:Persones de Samartín del Rei Aurelio