Sebastián Vigil de Quiñones y de la Concha foi un noble asturianu, I marqués de Santa Cruz de Marcenao, I vizconde de Puerto y caballeru d'Orde de Calatrava.
Yera el segundu fíu de Bernabé Vigil Bernardo de la Rúa, Señor de la Casa de Vigil, diputáu y procurador xeneral y Antonia de la Concha Pérez de Oviedo. Al morrer el so hermanu mayor, Bernabé, quedó como herederu de la Casa.
Casó con Isabel de la Rúa, cola que tuvo tres fíos: Juan Domingo, que morrió ensin descendencia enantes que'l so pa; Jacinta, II marquesa de Santa Cruz de Marcenao y María Teresa. Al morrer Isabel en 1667 casó con María Josefa de Ribas y Guerra, cola que tuvo otres dos fíes: Rosa Gertrudis y Josefa María.
Polos servicios prestaos a la corona Carlos II prémialu primeru col títulu de caballeru de la Orde de Calatrava (1669) y el 28 d'agostu de 1679 col de marqués y vizconde. Pa poder facese con estos títulos tuvo que pagar 3000 ducados de vellónBiblioteca Asturiana (BA), FC 162-32 y 162-32 (1). NAVIA-OSORIO, L.; Casa de Navia…, p.376. ALONSO CABEZA, Mª. D.: Páginas…, p. 108. VIGIL, F.; Notas para una bio…, p. 326..
Referencies
Enllaces esternos
Categoría:Nobles d'Asturies Categoría:Persones de Siero