Hector Guimard, nado en 10 de marzo de 1867 e finado en 20 de maio de 1942, foi un arquitecto e deseñador francés destacado polos seus deseños de estilo Art Nouveau. Acadou fama cedo grazas ao deseño do Castel Béranger, o primeiro edificio de apartamentos de estilo Art Nouveau en París, que foi elixido nun concurso de 1899 como unha das mellores fachadas entre os edificios novos da cidade. É especialmente coñecido polas edículas ou marquesiñas de vidro e ferro, con curvas ornamentais propias do Art Nouveau, que deseñou para cubrir as entradas das primeiras estacións do metro de París.
Traxectoria Entre 1890 e 1930, Guimard deseñou e construíu arredor de 50 edificios, ademais de 141 entradas para o metro de París e numerosas pezas de mobiliario e outras obras decorativas. Porén, na década de 1910 o Art Nouveau pasou de moda e, cara á década de 1960, a maioría das súas obras foran demolidas, quedando no seu lugar tan só dúas das edículas orixinais do metro. A reputación crítica de Guimard recuperouse na década de 1960, en parte grazas ás adquisicións posteriores da súa obra por parte do Museo de Arte Moderna (MoMA), e os historiadores da arte destacaron a orixinalidade e a importancia das súas creacións arquitectónicas e decorativas. Guimard era discípulo de Eugène Viollet-le-Duc.
Galería
Notas
Categoría:Nados en 1867 Categoría:Finados en 1942 Categoría:Arquitectos de Francia Categoría:Deseñadores de Francia Categoría:Art Nouveau