As illas Solovetsky (en ruso: Solovetskiye ostrova), ou Solovki (en ruso: Solovki), son un arquipélago situado no golfo de Onega, no mar Branco (Rusia). Administrativamente, constitúen o asentamento rural de Solovetskoye, dentro do distrito municipal de Primorsky, no óblast de Arkhangelsk. O centro administrativo de ambas as divisións é o asentamento de Solovetsky, situado na illa Bolshoy Solovetsky. Case toda a poboación das illas vive en Solovetsky. Segundo o censo de 2010, a poboación do distrito era de 861 habitantes.
O mosteiro de Solovetsky (fundado en 1436) converteuse en 1923 na sede do primeiro establecemento do Gulag: o campo de prisioneiros de Solovki.
Xeografía O arquipélago ten unha superficie total de 347 km² e consta de seis illas:
Illa Bolshoy Solovetsky, 246 km² Illa Anzersky (Anzer), 47 km² Bolshaya Muksalma, 17 km² Malaya Muksalma 0.57 km² Illa Bolshoy Zayatsky, 1.25 km² Maly Zayatsky, 1.02 km²
As illas separan o golfo de Onega da masa principal do mar Branco. A terra firme máis próxima é a península de Onega.
As costas das illas son moi recortadas. Están formadas por granito e gneis. O relevo das illas é accidentado (o punto máis alto ten 107 m). A maior parte das illas Solovetsky está cuberta de bosques de piñeiro silvestre e pícea común, en zonas parcialmente pantanosas. Hai numerosos lagos, que conectaron os monxes para formar unha rede de canles.
Unha característica interesante destas illas son os labirintos de pedra e outras estruturas pétreas, especialmente os Labirintos de pedra da illa Bolshoi Zayatsky. Estes labirintos eran típicos do Norte de Europa, pero a maioría desapareceron, hoxe, as illas Solovetsky conservan algúns dos mellores exemplos restantes.
Mosteiro
Historicamente, as illas foron o escenario do famoso complexo do Mosteiro Solovetsky da Igrexa ortodoxa. Fundouse no segundo cuarto do século XV por dous monxes do mosteiro de Kirillo-Belozersky. A finais do século XVI, a abadía converteuse nun dos maiores propietarios de terras e nun dos centros relixiosos máis influentes de Rusia.
A fortaleza actual e as súas igrexas principais construíronse en pedra durante o inicio do reinado de Iván o Terrible, baixo o impulso de Filipe de Moscova. Ao comezo do Cisma da Igrexa Rusa, os monxes mantivéronse firmes na fe dos seus antepasados e expulsaron os representantes do tsar de Solovki, o que provocou o sitio das illas, que durou oito anos, por parte das tropas do tsar Aleixo.
thumb|right|"Bombardeo do Mosteiro de Solovetsky pola Royal Navy durante a Guerra de Crimea". Un lubok (estampa popular) de 1868.
Ao longo do período imperial da historia de Rusia, o mosteiro recoñeceuse como unha fortaleza sólida que rexeitou ataques estranxeiros durante a [Guerra de Livonia]] (século XVI), a Época das Revoltas (século XVII), a Guerra de Crimea (século XIX) e a Guerra Civil Rusa (século XX).
En 1974, as illas Solovetsky designáronse museo histórico-arquitectónico e reserva natural da Unión Soviética. En 1992, inscribíronse na Lista do Patrimonio Mundial "como un exemplo excepcional de asentamento monástico no contorno inhóspito do norte de Europa, que ilustra de xeito admirable a fe, a tenacidade e o espírito emprendedor das comunidades relixiosas da baixa Idade Media". Hoxe en día, os Solovki considéranse un dos principais imáns turísticos na órbita do Norte ruso.
Campo de traballo
thumb|right|Memorial ás vítimas da represión política na URSS en San Petersburgo, feito cunha pedra das illas Solovetsky
Tras a Revolución de Outubro, as illas gañaron notoriedade por albergar o primeiro campo de prisioneiros soviético (gulag). O campo inaugurouse en 1921, cando Vladimir Lenin aínda estaba á fronte da Rusia soviética. Pechouse en 1939, ás portas da Segunda Guerra Mundial. Ao comezo da guerra, alí existía un centro de instrución de cadetes navais para a Flota do Norte soviética.
Transporte As illas contan co servizo do Aeroporto de Solovki. Hai conexión aérea regular con Arkhangelsk, así como liñas de tranbordador (só no verán) cara a Arkhangelsk, Kem e Belomorsk.
Notas
Referencias
Véxase tamén
Outros artigos Patrimonio da Humanidade en Rusia
Categoría:Patrimonio da Humanidade en Rusia