CCCP - Fedeli Alla Linea (tamén escrito sen guión) é unha banda punk italiana formada en Berlín en 1982 polo vocalista Giovanni Lindo Ferretti e o guitarrista Massimo Zamboni. Os membros da banda definen a súa música como "Música Melódica Emiliana—Punk Filosoviético" As obras de CCCP foron influentes para ducias de artistas, como Marlene Kuntz, Massimo Volume e Offlaga Disco Pax.
O seu nome, CCCP, provén da escritura cirílica para SSSR, acrónimo ruso para a Unión de Repúblicas Socialistas Soviéticas, malia que se pronuncia coa fonética italiana. CCCP rachou cos estereotipos do punk rock, e desenvolveu unha converxencia que desafía o xénero de rock militante, música industrial, folk, electropop, música de Oriente Medio, e mesmo música de cámara mentres transmitía a través das súas letras unha visión sombría da humanidade, e mesturando todo isto con elementos do teatro expresionista e da filosofía existencialista nos seus espectáculos en vivo.
Categoría:Grupos musicais de punk rock Categoría:Grupos musicais de Italia Categoría:Grupos musicais formados en 1982