Ceivar ou Ceivar-OPAR (siglas de Organismo Popular Anti-Represivo) é unha organización socialista e independentista galega. Os seus dous obxectivos principais son o fin da represión do Estado español e a amnistía dos presos independentistas galegos.
Historia Ceivar creouse en 2003 como un “Organismo Popular Antirrepresivo”, co obxectivo de prestar apoio integral a presos galegos independentistas que foran condenados por motivos da súa militancia política. A súa misión incluía apoio xurídico, sanitario, económico e social. Entre 2015 e 2020, a través da chamada “Operación Jaro” (I e II) as autoridades españolas realizaron detencións e procesos xudiciais contra o movemento independentista galego, nos que 12 militantes de Ceivar e doutras organizacións como Causa Galiza foron acusados de enaltecemento do terrorismo e pertenza a organización criminal.
O 22 de decembro de 2020, a Audiencia Nacional absolveu os 12 acusados de todas as imputacións de enaltecemento do terrorismo e rexeitou a disolución de Ceivar e Causa Galiza, afirmando que non se acreditou que as organizacións tivesen relación con grupos considerados terroristas nin que tivesen como fin xustificar accións violentas.
Notas
Véxase tamén Outros artigos Resistencia Galega Antonio García Matos Asunción Losada Camba
Categoría:Represión política Categoría:Independentismo galego