Adrián Guerrero Mouriz, nado en Ferrol o 15 de febreiro de 2006, é un futbolista galego que xoga como extremo dereito no Ourense CF, da Primeira Federación, cedido polo Fabril.
Traxectoria Nacido en Ferrol, practicou diferentes deportes durante a súa infancia, chegando a competir de xeito federado en karate, igual que a súa irmá maior, Lucía. Porén, acabou decantándose polo fútbol e ingresou nas categorías inferiores do Racing de Ferrol. Aos 8 anos entrou na canteira do Deportivo da Coruña e foi subindo polas diferentes categorías do club, sendo cedido tamén dúas tempadas ao San Tirso. Na tempada 2022/23 subiu ao Xuvenil B de Miguel Figueira, co que gañou a Liga Nacional contribuíndo con 13 goles. Na seguinte campaña pasou ao Xuvenil A, co que se proclamou campión da División de Honra baixo a batuta de Manuel Pablo (anotando 11 goles), e debutou co Fabril de Óscar Gilsanz na Segunda Federación.
Para a tempada 2024/25, aínda en idade xuvenil, subiu definitivamente ao Fabril, onde axiña se asentou na titularidade, sendo un dos xogadores máis utilizados por Gilsanz primeiro, e logo por Manuel Pablo. Marcou 7 goles en 32 partidos, sendo unha peza clave na clasificación do equipo para a promoción de ascenso. O 25 de maio de 2025 debutou co primeiro equipo do Deportivo, da man do propio Gilsanz, saíndo como titular na penúltima xornada da liga de Segunda División ante o Zaragoza no derradeiro partido da historia da Romareda antes da súa demolición.
Para a tempada 2025/26 foi cedido ao Ourense CF, da Primeira Federación.
Estatísticas ClubTempadaDivisiónLigaCopa do ReiOutrosInclúe partidos de promoción de ascenso a Primeira Federación.TotalPartidosGolesPartidosGolesPartidosGolesPartidosGolesFabril2023/242º RFEF20----202024/252º RFEF327--20347Total club3470020367Deportivo da Coruña2024/25Segunda2000--20Total carreira 36 7 002 0 387
Notas
Categoría:Nados en 2006 Categoría:Nados en Ferrol Categoría:Futbolistas de Ferrol Categoría:Centrocampistas de fútbol Categoría:Dianteiros de fútbol Categoría:Xogadores do Deportivo Fabril Categoría:Xogadores do Deportivo da Coruña Categoría:Xogadores do Ourense CF