Michael Matzke, nado o 28 de outubro de 1966 e finado en Friburgo, Baden-Württemberg, o 20 de maio de 2020, foi un numismático e medievalista alemán, especialista na moeda da Idade Media.

Traxectoria Michael Matzke cursou estudos superiores de Historia Medieval, Historia da Arte, Estudos Culturais Empíricos e Ciencias Auxiliares da Historia na Universidade de Tubinga e na Universidade de Pisa."Matzke, Michael". En Coins Weekly. 16 de agosto de 2017.Kampmann, U. (2020)."Curriculum von Dr. Michael Matzke". Albert-Ludwigs-Universität Freiburg.

Logo da súa graduación, de 1991 a 1995 foi asistente de investigación no Instituto de Xeografía Histórica e Ciencias Auxiliares Históricas, así como no Centro de Investigación de Numismática Islámica de Tubinga e no Instituto de Arqueoloxía Clásica da universidade desta cidade.

En maio de 1995 acadou o seu doutoramento en Historia Medieval cunha tese acerca do arcebispo Dagoberto de Pisa, focalizado nos seus aspectos económicos e numismáticos. Entre 1996 e 1999 foi asistente de investigación no Instituto de Estudos Históricos Rexionais da Universidade de Tubinga para o proxecto "A moeda medieval nas rexións mineiras", compaxinando este posto coa docencia na Facultade de Historia da mesma universidade.

De 1999 a 2001, Michael Matzke foi profesor na Facultade de Clásicas da Universidade de Cambridge e traballou no gabinete numismático do Museo Fitzwilliam desta universidade, inicialmente no marco dun proxecto sobre a cuñaxe medieval europea e logo como conservador de moedas antigas e medievais. Nesta institución colaborou coa confección do volume número 12 da serie Medieval European Coinage, centrado na moeda do Norte de Italia.Campmann, U. (2017). "Ein 'Muss' für jede Mittelalter-Bibliothek". En Coins Weekly. 21 de xuño. Entre 2001 e 2006 foi asistente de investigación de Historia Medieval e Ciencias Auxiliares Históricas na Universidade de Marburgo.

O 1 de febreiro de 2006 accedeu ao posto de conservador do Gabinete Numismático do Museo de Historia de Basilea, en Suíza, que ocupou ata o seu falecemento."Neuer Konservator für das Münzkabinett des Historischen Museums Basel". En Schweizer Münzblätter. 221. Marzo de 2006. Páxina 31. Entre 2007 e 2018 tamén exerceu como profesor temporal na Universidade de Friburgo, e desde 2015 colabora nun proxecto de inventariación de moedas achadas en Suíza.

Michael Matzke foi membro de diversas entidades asociativas e académicas, entre elas o Grupo de Traballo Suízo de Achados Monetarios (SAF), a Sociedade Suíza de Numismática, o Grupo Interuniversitario para a Historia da Europa Mediterránea, a Sociedade Histórica de Pisa, a Sociedade de Historia Monetaria Internacional e a Royal Numismatic Society.

Michel Matzke faleceu o 20 de maio de 2020.Esquelas en Tages Anzeiger. 3 de xuño de 2020."Nachruf auf Michael Matzke". Historisches Museum Basel.Fehlmann, M. (2020).

Recoñecementos

(2017): Premio da Sociedade de Historia Monetaria Internacional, de Frankfurt."GIG-Ehrenpreisträger". Gesellschaft für Internationale Geldgeschichte. (2018): Premio Duchalais, da Académie des Inscriptions et Belles-Lettres, de París."Palmarès 2018". Académie des Inscriptions et Belles-Lettres.

Publicacións Esta é unha escolma dos traballos monográficos máis salientables dos publicados por Michael Matzke ao longo da súa carreira:"Matzke, Michael ". Digital Library Numis."Matzke, Michael". WorldCat Identities."Michael Matzke (1966-2020) ". Coingallery.de"Publikationsliste Matzke". Albert-Ludwigs-Universität Freiburg.

(1998). Daibert von Pisa. Zwischen Pisa, Papst und erstem Kreuzzug. Thorbecke, Sigmaringen. ISBN 3-7995-6754-2 (1998). Sylloge Nummorum Graecorum. Deutschland. Sammlung der Universität Tübingen. Heft 6: Phrygien - Kappadokien. Römische Provinzprägungen in Kleinasien (con D. Mannsperger). Hirmer, Múnic. ISBN 3-7774-7460-6 (2004). Dirham und Rappenpfennig 2: Mittelalterliche Münzprägung in Südwestdeutschland (con W. Heß e B. Breyvogel). Habelt, Bonn. ISBN 3-7749-3299-9 (2010). Der Basler Schatzfund von 1854 und das Rätsel der Salomon-Denare. Baumann & Cie. Basilea. ISBN 978-3-9523739-0-3 (2012). Cantone Ticino. Ritrovamenti monetali da chiese (con J. Diaz Tabernero e H-U. Geiger). Berna. ISBN 978-2-940086-09-2 (2014). Survey of Numismatic Research 2008-2013: Deutschland (con H. Mäckeler). Uppsala. (2015). Stadt im S(p)iegel. Basels älteste Stadtsiegel. Baumann & Cie. Basilea. ISBN 978-3-9524338-3-6 (2016). Medieval European Coinage. Vol. 12. Italy I: Northern Italy. (con W. R. Day e A. Saccocci ). ISBN 978-0521260213

Notas

Véxase tamén

Bibliografía

Fehlmann, M. (2020). "Die ordnende Hand im Basler Münzschatz". En Basler Zeitung. 2 de xuño de 2020. Kampmann, U. (2020). "Michael Matzke (1966-2020)". En Coins Weekly. 4 de xuño de 2020.

Categoría:Nados en 1966 Categoría:Finados en 2020 Categoría:Nados en Mönchengladbach Categoría:Numismáticos de Alemaña Categoría:Historiadores de Alemaña Categoría:Medievalistas Categoría:Galardoados co premio da Sociedade de Historia Monetaria Internacional Categoría:Alumnos da Universidade de Tubinga Categoría:Alumnos da Universidade de Pisa Categoría:Personalidades sen imaxes