Håbo é un municipio sueco (kommun) do condado de Uppsala. A súa capital é a localidade de Bålsta. En decembro de 2024 o concello tiña 22 973 habitantes.
Ao sur e ao oeste Håbo está rodeado pola baía de Ekolsundsviken e ao norte pola de Ekoln, as dúas do lago Mälar. O río Uppsalaåsen atravesa o concello e alcanza os 45 metros de altura entre as baías de Gorran e Lårstaviken. O municipio tamén pertence a illa de Arnö, coa súa paisaxe agrícola de estilo señorial.
A actividade económica local estaba dominada a principios da década de 2020 por pequenas empresas e un número menor de medianas empresas. Tamén había unha ampla dispersión nas industrias, aínda que a maioría das empresas atopábanse no sector da construción, servizos e comercio.
Historia administrativa A área do concello de Håbo correspóndese coa das parroquias de Häggeby, Kalmar, Skokloster, Yttergran e Övergran, todas no härad de Håbo. Nesas parroquias creáronse coa reforma municipal de 1862 concellos rurais co mesmo nome.
Durante a reforma de 1952 eses municipios rurais fusionáronse para fundar o concello rural de Håbo.
O actual municipio de Håbo fundouse coa reforma municipal de 1971 a través da transformación do anterior concello rural de Håbo.
En dúas ocasións, o municipio investigou a posibilidade de pasar a formar parte do condado de Estocolmo, en 2009 e 2019, pero nunca houbo maioría política para un cambio de condado, só unha maioría para investigar a cuestión.
Xeografía O concello de Håbo atópase no sur do condado de Uppsala. Limita ao leste cos concellos de Sigtuna e Upplands-Bro, ámbolos dous no condado de Estocolmo. Ao nordés limita co municipio de Knivsta, ao norte co de Uppsala, e ao oeste co de Enköping, os tres no condado de Uppsala.
Notas
Categoría:Concellos de Suecia Categoría:Condado de Uppsala