A Universidade de Leipzig (), localizada en Leipzig no Estado Libre de Saxonia, é a segunda máis antiga de Alemaña.
Foi fundada o 2 de decembro de 1409 por Frederico I, Elector de Saxonia e seu irmán Guillerme II, margrave de Meißen.
Na súa orixe estaba formada por catro facultades e, en 2021, albergaba catorce facultades e arredor de 31.000 estudantes.Jahresbericht, 2021
Esta Universidade cumpriu máis de 600 anos ininterrompidos dedicada á docencia e á investigación.
Actualmente conta cun Centro de Estudos Galegos, un dos catro existentes en Alemaña.
Historia A Alma máter de Leipzig foi inaugurada a principios do século XV polo antipapa Alexandre V na súa Bula de Recoñecemento do 9 de setembro de 1409.
O seu primeiro reitor foi Johannes Otto von Münsterberg.
Entre 1953, durante o "Ano de Karl Marx", a universidade foi renomeada como Universidade Karl Marx, nome que conservou até 1991.
Facultades As catro facultades orixinais foron Filosofía e Letras, Teoloxía, Medicina e Dereito. Hoxe en día, a Universidade alberga as seguintes catorce facultades:
Facultade de Teoloxía Facultade de Dereito Facultade de Historia, Arte e Estudos Orientais Facultade de Filoloxía Facultade de Educación Facultade de Ciencias Sociais e Filosofía Facultade de Economía e Dirección (incluíndo Enxeñaría Civil) Facultade de Ciencias dos Deportes Facultade de Medicina (cun hospital universitario) Facultade de Matemáticas e Ciencias Informáticas Facultade de Biociencias, Farmacia e Psicoloxía Facultade de Física e Ciencias da Terra Facultade de Química e Mineraloxía Facultade de Medicina Veterinaria
Profesores e alumnos ilustres
Notas