Turnix nigricollis é unha especie de ave caradriforme da familia Turnicidae endémica de Madagascar.
Descrición esquerda|miniatura|Macho no parque Isola. miniatura| Turnix nigricollis - MHNT Mide entre 14 e 16 cm de longo.Olivier Langrand (1990). Guide to the Birds of Madagascar. Yale University Press, p. 153 ISBN 0300043104 Presenta un marcado dimorfismo sexual. As femias son lixeiramente máis grandes que os machos. A plumaxe dos machos ten as partes superiores de cor marrón salpicada con vetas claras e pardas máis escuras mentres que as súas partes inferiores son de cor anteada con vetas pardas. A súa cabeza é marrón con pintas claras, sendo as súas listas superciliares máis claras e a súa gorxa anteada. O seu bico é gris e o iris dos seus ollos amarelo. As femias teñen a cabeza gris con pencas brancas con bigoteiras tamén brancas, e a gorxa e o peito negros.
Hábitat É unha especie de hábitos terrestres que adoita atoparse nas sabanas e os bosques non demasiado densos de Madagascar, desde o nivel do mar até os 1900 metros de altitude.Olivier Langrand (1990). Guide to the Birds of Madagascar. Yale University Press, p. 153 ISBN 0300043104
Ecoloxía A especie vese a miúdo soa ou en pequenos grupos de até catro aves. Se se ve en perigo, adoita agocharse para evitar ser detectada ou pode fuxir, pero é raro que se bote a voar. Mesmo entón, voa con rápidos aleteos só por unha curta distancia. Aliméntase esparruñando no chan como unha galiña, deixando depresións circulares distintivas. Aliméntase principalmente de invertebrados e ten un gusto particular polas larvas de térmites. Pode comer pois caracois, cascudas, escaravellos, moscas, insectos e eirugas. Tamén pode comer sementes.
Do mesmo xeito que con outros membros desta familia, a femia xoga o papel máis activo na tempada de reprodución, defendendo un territorio e emitindo cantos para atraer o macho. O niño está construído nunha lixeira depresión no chan, a miúdo oculto nunha mata de herba ou unha espesa vexetación. Ambos os paxaros constrúeno a partir de herbas e talos secos, follas mortas e, ás veces, plumas. Pode estar parcialmente teitado con follas mortas e, ás veces, accédese a el por unha pista cuberta. Aniña uns catro ovos. O macho incúbaos durante uns quince días, sendo ás veces relevado pola femia de cando en vez. Tamén é o responsable do coidado das crías, alimentándoas durante a primeira semana desde o seu peteiro antes de que empecen a peteirar o chan na procura de comida. A femia é ao principio agresiva cos pitos e o macho deféndeos, pero despois a femia asume un papel máis de coidado. Os pitos vólvense independentes á quinta semana e os pais poden abandonalos tras isto.
Notas
Véxase tamén
Categoría:Animais descritos en 1789 Categoría:Aves de Madagascar Categoría:Turnícidos Categoría:Fauna endémica de Madagascar