miniatura|Dous satélites Vela antes do lanzamento. Vela foi unha serie de satélites de recoñecemento dos Estados Unidos para a detección de explosións nucleares na superficie terrestre.
Características Os satélites Vela foran satélites deseñados para detectar explosións nucleares na superficie terrestre e verificar o tratado de prohibición de probas nucleares atmosféricas de 1963. Houbo dous tipos de satélites Vela: o básico, numerados do 1 ao 6, e os avanzados (Advanced Vela), do 7 ao 12. Lanzáronse entre 1963 e 1970 a bordo de foguetes Atlas Agena D e Titan 3C.
Os Vela básicos estaban construídos por TRW, estabilizábanse mediante xiro a 120 r.p.m. e tiñan forma de poliedro de 20 caras, coas caras recubertas de células solares para producir ata 90 W de potencia. Os satélites eran lanzados de dous en dous, conectados por unha estrutura tubular, e liberados unha vez en órbita. Como instrumentos para detectar explosións nucleares levaban cada un doce detectores de raios X externos e 18 detectores internos para neutróns e raios gamma. As unidades 5 e 6 levaban ademais detectores ópticos.
Os Vela avanzados eran moi similares aos básicos pero con mellor instrumentación. Incorporaban sensores para monitorizar tamén a actividade solar, as tormentas terrestres e as fontes de raios gamma celestes. Os seis Vela avanzados funcionaron durante máis de 10 anos, superando o seu deseño de vida de 18 meses. Os satélites tiñan forma de poliedro de 26 caras e estabilizábanse mediante xiro. As células solares da súa superficie proporcionaban ata 120 W de potencia. Cada satélite tiña unha masa de 63 kg.
Historial de lanzamentos
MisiónData de lanzamentoFoguete lanzadorNotasVela 1 17 de outubro de 1963 Atlas Agena DÉxitoVela 2 17 de outubro de 1963 Atlas Agena DÉxitoVela 3 17 de xullo de 1964 Atlas Agena DÉxitoVela 4 17 de xullo de 1964 Atlas Agena DÉxitoVela 5 20 de xullo de 1965 Atlas Agena DÉxitoVela 6 20 de xullo de 1965 Atlas Agena DÉxitoVela 7 28 de abril de 1967 Titan-3C ÉxitoVela 8 28 de abril de 1967 Titan-3C ÉxitoVela 9 23 de maio de 1969 Titan-3C ÉxitoVela 10 23 de maio de 1969 Titan-3C ÉxitoVela 11 8 de abril de 1970 Titan-3C ÉxitoVela 12 8 de abril de 1970 Titan-3C Éxito
Notas
Véxase tamén
Outros artigos Atlas Agena D Titan 3C
Categoría:Satélites artificiais