A bandeira dos arameos ou bandeira siríaco-aramea (en ; ʾOtho Suryayto) é a bandeira étnica do pobo arameo, creada para representar a súa nación e patria, así como á diáspora aramea. Unha primeira versión, semellante á actual, foi desenvolvida en 1980 por Bahro Suryoyo ("luz siríaca"), un xornal siríaco-arameo que forma parte da federación siríaca de Suecia (). A versión actual foi desenvolvida a principios de 1982.
O Consello Mundial de Arameos, unha organización internacional non gobernamental recoñecida polas Nacións Unidas, elixiu oficialmente a bandeira para representar a nación siríaco-aramea en todo o mundo o 16 de xullo de 1983 en Nova Jersey. O deseño baseouse no símbolo do Sol alado, substituíndo o sol por un facho que simboliza o Espírito Santo no cristianismo.
Simbolismo O deseño baséase especificamente nun relevo que representa a Gilgamesh entre dous touros apoiando un disco solar alado, o cal foi escavado en 1927 polo arqueólogo alemán Max von Oppenheim (1860-1946) e o semitólogo francés André Dupont-Sommer (1900-1983) en Tell Halaf, a antiga cidade-estado aramea de Bit Bahiani, que está situada na fronteira da rexión de Tur Abdin, hoxe situada na gobernación de Al Hasakah, no nordeste de Siria. O relevo formaba parte da entrada do palacio do rei arameo Kapara.Die aramäisch-assyrische Stadt Guzana. Ein Rückblick auf die Ausgrabungen Max von Oppenheims in Tell Halaf. Schriften der Max Freiherr von Oppenheim-Stiftung. H. 15. Harrassowitz, Wiesbaden 2005, . Relief Depicting Gilgamesh Between Two Bull-Men Supporting a Winged Sun Disk, Fr.Tell-Halaf, Syria Syrianerna – En nation i förskringring, Assad Sauma Assad, 2005
A principal característica da bandeira é a aguia, que representa a forza e o poder. O disco solar é substituído por unha chama para simbolizar o Espírito Santo e a herdanza cristiá dos arameos. As catro estrelas representan os ríos da patria aramea: Tigris, Éufrates, Gihon e Pishon. O fondo vermello da bandeira foi elixido para representar o sangue que se derramou durante o xenocidio arameo. A cor amarela representa a esperanza dun estado arameo independente. Pretende representar "a nación aramea (siríaca) na patria aramea e na diáspora aramea".flag of Syriac-Aramaic People (Syria) flags , Syriac-Aramaic People (Syria)
Galería de imaxes
Notas
Véxase tamén
Outros artigos Arameos Ligazóns externas
Categoría:Bandeiras étnicas Categoría:Bandeiras de pobos indíxenas Categoría:Bandeiras introducidas en 1980