È stata la mano di Dio é un filme italiano de 2021 escrito, dirixido e producido por Paolo Sorrentino. Está protagonizado por Filippo Scotti, Toni Servillo, Teresa Saponangelo, Marlon Joubert, Luisa Ranieri, Renato Carpentieri, Massimiliano Gallo, Betti Pedrazzi, Biagio Manna e Ciro Capano. O filme ten referencias autobiográficas á mocidade de Sorrentino en Nápoles.
Competiu polo León de Ouro na 78ª edición do Festival Internacional de Cinema de Venecia, onde gañou o Gran Premio do Xurado e onde Filippo Scotti recibiu o Premio Marcello Mastroianni. Estreouse nos cinemas de Italia o 24 de novembro de 2021, e en liña a través de Netflix o 15 de decembro de 2021. Foi escollido como candidato de Italia para o Óscar ó mellor filme internacional na 94ª edición dos premios, sendo nomeado xunto a outros catro filmes.
Sinopse Na década de 1980, Fabietto (Filippo Scotti) é un rapaz de Nápoles que vive co seu pai Saverio Schisa (Toni Servillo) e a súa nai Maria Schisa (Teresa Saponangelo). Non ten moitos amigos nin amante e quere estudar filosofía na facultade. Polo momento, escoita principalmente música e ve como Diego Maradona xoga no seu equipo local, o Napoli. O seu irmán Marchino (Marlon Joubert) lévao a audicións de interpretación e empatizaa co seu afecto pola súa tía Patrizia (Luisa Ranieri), con problemas emocionais. Entón, a traxedia golpea a familia Schisa e Fabietto chega á maioría de idade dun xeito cruel e brutal.
Personaxes
Filippo Scotti como Fabietto Schisa Toni Servillo como Saverio Schisa Teresa Saponangelo como Maria Schisa Luisa Ranieri como Patrizia Massimiliano Gallo como Franco Renato Carpentieri como Alfredo Marlon Joubert como Marchino Schisa Betti Pedrazzi como Baronesa Focale Biagio Manna como Armando Ciro Capano como Capuano Enzo De Caro como San Gennaro Sofya Gershevich como Yulia Roberto Oliveri como Maurizio Lino Musella como Mariettiello Cristiana Dell'Anna como irmá de Armando Monica Nappo como Silvana Carmen Pommella como Annarella Adriano Saleri como asistente de Fellini
Notas
Véxase tamén Outros artigos Filmes de Italia propostos ó Óscar ó mellor filme internacional Filmes propostos ó mellor filme internacional na 94ª edición dos Óscar Ligazóns externas
Ficha en AllMovie
Categoría:Filmes de 2021 Categoría:Filmes en lingua italiana Categoría:Filmes de Italia Categoría:Filmes dirixidos por Paolo Sorrentino