Margarita Mariscal de Gante y Mirón, nada en Madrid o 10 de xaneiro de 1954, é unha política e xurista española, ministra de Xustiza no primeiro goberno de José María Aznar, sendo a primeira muller que se puxo á fronte desta carteira en España.
Traxectoria Mariscal de Gante naceu en 1954, filla de Jaime Mariscal de Ghent, xuíz do Tribunal de Orde Pública creado na España franquista. O irmán deste xuíz, o inspector Mariscal de Gante, foi tamén coñecido por convidar a Antonio González Pacheco, alias "Billy el Niño", a participar nunha celebración nunha comisaría de Madrid.La Policía cierra sin castigo la investigación al mando que invitó a Billy el Niño a su comisaría
Mariscal de Gante estudou dereito na Universidade Complutense de Madrid, e en 1980 ingresou na carreira xudicial, ocupando unha praza no xulgado de Aguilar de la Frontera (Córdoba), e posteriormente de Aranjuez. En 1986 foi nomeada maxistrada do Xulgado de Primeira Instancia de Madrid, e o 6 de novembro de 1990, converteuse na primeira muller vogal do Consello Xeral do Poder Xudicial.
Coa vitoria do Partido Popular nas eleccións xerais de 1996 foi nomeada ministra de Xustiza por parte de José María Aznar na formación do seu primeiro goberno, cargo que desenvolveu ata o final da lexislatura.
Nas eleccións xerais do ano 2000 foi elixida deputada ao Congreso dos Deputados pola circunscrición de Albacete. Dende abril de 2002 a xaneiro de 2004 foi vicepresidenta primeira da Mesa do Congreso. Dende o 23 de xullo de 2012 é membro do Tribunal de Contas, elixida por parte do Senado.
Notas
Véxase tamén Ligazóns externas Entrevista con Margarita Mariscal de Gante en El Mundo
Categoría:Nados en Madrid Categoría:Nados en 1954 Categoría:Ministros do Goberno de España da VI Lexislatura Categoría:Deputados no Congreso dos Deputados (VII Lexislatura) Categoría:Deputados do Congreso dos Deputados polo PP Categoría:Alumnos da Universidade Complutense de Madrid Categoría:Ministros de Xustiza de España