O Museo de Selos e Moedas de Mónaco (en francés: Musée des Timbres et des Monnaies de Monaco), situado na zona de Fontvieille, en Mónaco, é un museo filatélico e numismático que expón as coleccións privadas do príncipe Raineiro III, fundador da institución, centradas na historia postal do Principado de Mónaco desde 1885 e que recolle a cronoloxía completa das moedas monegascas desde o ano 1641 ata as actuais emisións en euros."Présentation". Musée des Timbres et des Monnaies.
Historia esquerda|miniatura|Edificio do museo, no porto de FontvieilleA finais do século XIX, o pastor inglés G. G. Barbier reuniu unha importante colección de selos de Mónaco que abranguía, entre outros, algúns exemplares sardos anteriores a 1860."Musée des Timbres et des Monnaies". Monte-Carlo.mcVienne, C. (2019). "Musée des timbres et des monnaies : des collections réputées dans le monde entier". En Monaco Tribune. 14 de febreiro.
Logo do pasamento de Barbier, o príncipe Alberte I comprou a colección, que foi enriquecida moi considerablemente polo seu sucesor, Lois II. Cando foi herdada por Rainiero III, este deulle un novo pulo e, en 1950, decidiu expola ao públiio creando o chamado Museo Postal."Musée". Office des Timbres". Principauté de Monaco."Historique". Musée des Timbres et des Monnaies.
En 1987 formouse unha comisión asesora, responsable da clasificación e da conclusión da colección filatélica. Unha orde soberana de Rainiero III estableceu o museo en decembro de 1995 e o ano seguinte abriu ao público, chamado inicialmente Museo de Selos. En 2001 modificou o seu nome a Museo de Selos e Moedas para reflectir o contido das súas coleccións."Musée des Timbres et des Monnaies ". Visitmonaco.com
Coleccións O museo estrutúrase en dous espazos: a "gran sala" e a "sala de selos raros".
Gran sala. Neste espazo amósanse dúas coleccións, unha delas a de moedas da historia do Principado de Mónaco a partir de 1641 e outra que recolle toda a produción de selos monegascos desde 1885 ata a actualiade. Sala de exemplares raros. Expóñense aquí pezas filatélicas de alto valor, entre os que cómpre salientar un bloque de cino selos de 5 francos de Carlos III, así como un sobre expedido en Menton, nos Alpes Marítimos, datado o 12 de abril de 1851, cun exemplar da primeira emisión de selos sardos, que daquela se utilizaban no principado.
Ademais dos exemplares de selos e moedas, exhíbense tamén no museo outros obxectos, como unha máquina de impresión rotativa que se utilizou para a impresión de selos monegascos durante máis de 50 anos, así como varios cuños e punzóns para selos e moedas etc. Os visitantes poden tamén ver o proceso de fabricación dos selos durante a súa visita ao museo grazas a unha imprenta manual disposta para o efecto.
O Club de Montecarlo Na sede do Museo de Selos e Moedas de Mónaco estableceuse en 1999 o Club de Montecarlo da Elite da Filatelia (Club de Monte-Carlo de l'Elite de la Philatélie), por proposta do filatélico Alexander D. Kroo e mediante un decreto sancionado polo príncipe Rainiero III. O club organiza cada dous anos exposicións de rarezas filatélicas coa denominación de MonacoPhil."Le Club de Monte-Carlo ". En Monacophil.eu"Why 100 of the world's top collectors will be in Monaco this weekend". Paul Fraser Collectibles.
Notas
Véxase tamén
Outros artigos
Lista de museos numismáticos
Ligazóns externas
Visita virtual ao Museo de Selos e Moedas de Mónaco Sitio web do Museo de Selos e Moedas de Mónaco Office des Timbres. Principauté de Monaco
Categoría:Museos de numismática Categoría:Museos de Mónaco Categoría:Filatelia