Consuelo Castro ReyNoutras fontes o seu segundo apelido tamén figura como Rei., nada o 27 de xullo de 1964 en Ourense, é unha avogada galega. Dende xuño de 2018 é Avogada Xeral do Estado-directora do Servizo Xurídico do Estado en Galiza.
Traxectoria Licenciada en Dereito pola Universidade Complutense de Madrid. Ingresou no Corpo de Avogados do Estado en 1989. Ten exercido como avogada no Ministerio de Sanidade e Consumo, na Avogacía do Estado da Coruña (2004-07) e na Axencia Estatal de Administración Tributaria en Galicia. No proceso do Prestige foi defensora do exdirector xeral da Mariña Mercante José Luis López Sors, quen saíu absolto.
É vocal do Consello de Administración e asesora xurídica da Autoridade Portuaria da Coruña e vocal da Comisión de Garantías de Vídeo vixilancia de Galicia. Forma parte, como representante de España, do Grupo de Traballo sobre dereitos humanos e migración do Comité de Dereitos Humanos do Consello de Europa, na vicepresidencia. É membro da Irmandade Xurídica Galega.
En xuño de 2018 foi nomeada avogada xeral do Estado-directora do Servizo Xurídico do Estado a proposta da ministra de Xustiza Dolores Delgado en substitución de Eugenio López.
O 2 de xullo do 2022 foi nomeada Xuíza Honoraria do Couto Mixto.
Notas
Categoría:Nados en Ourense Categoría:Nados en 1964 Categoría:Avogados de Galicia Categoría:Alumnos da Universidade Complutense de Madrid