dereita|250px|miniatura|Lyndon B. Johnson asinando a Acta de Dereitos Civís dos Estados Unidos o 2 de xullo de 1964. Os dereitos civís e políticos, ou dereitos civís, son os dereitos que protexen as liberdades individuais do seu quebrantamento ilegal (represión) por parte do poder (sexa o dos gobernos ou o de calquera outro axente político público ou privado). Garanten a capacidade do cidadán para participar na vida civil e política do Estado en condicións de igualdade, e sen discriminación por raza, xénero, nacionalidade, cor, idade, afiliación política, etnia, relixión, orientación sexual, identidade de xénero ou discapacidade;The Civil Rights act of 1964, ourdocuments.gov Americans with Disabilities Act of 1990, accessboard.gov Summary of LGBT civil rights protections, by state, at Lambda Legal, lambdalegal.org e inclúe dereitos individuais como a privacidade e as liberdades de pensamento, expresión, relixiosa, prensa, reunión e circulación.
Os dereitos políticos inclúen a xustiza natural no dereito, como os dereitos do acusado a un xuízo xusto, e dereitos de participación na sociedade civil e na política como a liberdade de asociación, o dereito de reunión, o dereito de petición, a lexítima defensa e o dereito ao voto.
Os dereitos civís e políticos forman a parte orixinal e principal dos dereitos humanos internacionais.A useful survey is Paul Sieghart, The Lawful Rights of Mankind: An Introduction to the International Legal Code of Human Rights, Oxford University Press, 1985. Comprende a primeira parte da Declaración Universal dos Dereitos Humanos de 1948. A teoría das Tres xeracións de dereitos humanos considera este grupo de dereitos como "dereitos de primeira xeración", e a teoría dos dereitos positivos e negativos considéraos polo xeral como dereitos negativos.
Notas
Categoría:Xustiza Categoría:Dereitos humanos Categoría:Política identitaria