Pel de lobo é unha novela de Xosé Miranda, galardoada co Premio Merlín 2002.
Os protagonistas son Fulxencio Nóvoa e o seu fillo Xosé, que van á procura dun lobo enorme, unha besta que comeu varios nenos, na vila do Incio, e acaban por descubrir a maldición de dúas irmáns feitizadas polo seu pai, as que salvan, impedindo así máis mortes.
Trama
Xosé e o seu pai son contratados para matar unha manda de lobos no Incio e en especial, a un lobo xigantesco que xa comera a varias persoas. Alá coñeceron a Eduardo Vázquez-Queipo, o home que os mandara contratar. El tiña dúas fillas: Ana, e Aurora.
Saen á vila seguindo as pegadas dos lobos e ven unhas enormes, que seguen ata que se perden e non ven máis ca pegadas humanas de pés descalzos. Esa noite o cura da vila promételles que o domingo na misa pediralle á xente que se unise nunha montería. Máis tarde Ana e o cura discuten, xa que Ana defende os lobos e culpa os homes de que lles teñan envexa porque son libres. Cando Xosé esperta ve un gran lobo branco mirándoo con ollos de tristeza.
Inician a procura de novo e aparéceselles o gran lobo, que os ataca sen eles poder defenderse, xa que as balas non o atravesaban. A noite do día seguinte poñen un cebo na aldea e todos os homes se encontraban escondidos cando de repente aparece o lobo branco que atacou a xente e prodúcese un incendio.
O día da montería reúnense todos para intentar cazalos, pero cos ruídos dos disparos o cabalo de Xosé comezou a correr ata que o tirou e el foi ameazado polos lobos e traizoado polo seu can, aínda que grazas a iso puido descubrir que os lobos eran Ana e Aurora, xa que anos atrás o pai inconscientemente lles lanzara unha maldición, pero queimaron a pel dos lobos e así foron liberadas.
Finalmente, Aurora e Xosé casan. Dise que Ana marchou a Madrid, aínda que Xosé non o cre, xa que di que viu o lobo negro meses despois de que ela marchase.
Xosé cóntalles a historia aos seus netos porque afirma seguir vendo a gran besta negra.
Estrutura O personaxe principal é Xosé, un neno de caracterización plana, 17 anos e con dotes de tirador. Hai varios personaxes secundarios, algún deles e o pai de Xosé, chamado Fulxencio Nóvoa, un importante tirador de lobos, moi solicitado. Outros personaxes importantes son as irmás Ana e Aurora, as fillas de Eduardo Vázquez-Queipo, que finalmente resultan ser os grandes lobos asasinos. Na historia tamén aparecen outras persoas como Rosa dos Chantos, que é un hermafrodita que ás veces cre que é home e outras que é muller. Oreste é o que os foi buscar para comentarlles o seu problema. Hai outros personaxes dos que non di nome, pero que aparecen na historia como o cura do pobo.
O narrador da obra encóntrase dentro da historia, xa que é o protagonista e fala en primeira persoa.
Traducións Ao catalán por Josep Franco Martínez co título de Pell de llop publicado en 2004 pola Editorial BromeraFicha en BiTraGa..
Ao castelán por María Dolores Torres París co título de Piel de lobo publicado en 2004 por Algar EditorialFicha en BiTraGa..
Notas
Véxase tamén Bibliografía , Pilar: Ficha técnica de Pel de lobo , 2003.
Outros artigos O lobo da xente, de Vicente Risco Ligazóns externas Ficha de Pel de lobo na páxina de Xerais.
Categoría:Novelas en galego Categoría:Obras literarias de 2002 Categoría:Novelas ambientadas en Galicia Categoría:Obras gañadoras do Premio Merlín